**ឯកឧត្តម ដៀប ពីរី និងឯកឧត្តម នួន ផារ័ត្ន ប្រគេនទៀនព្រះវស្សា និងទេយ្យទានដល់វត្តចំនួន១១ ក្នុងខេត្តកំពង់ធំ**ឯកឧត្តម សួស ប្រាថ្នា អញ្ជើញចូលរួមកិច្ចប្រជុំពិគ្រោះយោបល់លើសេចក្តីព្រាង បញ្ជីកម្រងសេវារដ្ឋបាលរបស់រដ្ឋបាលក្រុង ស្រុក ខណ្ឌ**ក្រសួងការងារ បើកសិក្ខាសាលាផ្សព្វផ្សាយពី«បច្ចុប្បន្នភាព និងទស្សនវិស័យ សេដ្ឋកិច្ច និងសង្គមកម្ពុជា ឆ្នាំ២០២៤-២០២៥»**លោក Olaf Scholz បង្ហាញពីឆន្ទៈរបស់ខ្លួន ដើម្បីឈរឈ្មោះសម្រាប់អាណត្តិទី២ នៅក្នុងការបោះឆ្នោតជាតិ ឆ្នាំ២០២៥**UN ចេញផ្សាយរបាយការណ៍ស្តីពីស្ថានភាពសន្តិសុខស្បៀង អាហារូបត្ថម្ភ និងព្រមានគោលដៅរបស់ពិភពលោកអំពីភាពអត់ឃ្លាន**ចិនធ្វើការឆ្លើយតបជាបន្ទាន់ចំពោះគ្រោះទឹកជំនន់នៅក្នុងទីក្រុងប៉េកាំង និងខេត្តហឺប៉ី**ប៉ាឡេស្ទីន ជំរុញឲ្យរដ្ឋបាល និងសភាអាមេរិក ដាក់សម្ពាធអ៊ីស្រាអែលឲ្យបញ្ឈប់សង្គ្រាមនៅតំបន់ហ្គាហ្សា**ទីក្រុងមូស្គូ អះអាងថា សំណើរបស់លោក Zelensky លើការចរចាដ៏មានសក្តានុពលមិនអាចទុកចិត្តបាន**រដ្ឋមន្ត្រីការបរទេសចិនជំរុញឲ្យមានដំណោះស្រាយនយោបាយនៃវិបត្តិអ៊ុយក្រែន**នាយឧត្តមសេនីយ៍ ឥត សារ៉ាត់៖ បញ្ហាអាកាសធាតុ និងភូមិសាស្ត្រ ជាឧបសគ្គធំបំផុតសម្រាប់ការរុករុកឧត្ថម្ភាគចក្រដែលបាត់ការទាក់ទង**អ្នកជួសជុលប្រាសាទបុរាណជំនាន់ថ្មី ចង់ឱ្យស្នាដៃដូនតានៅគង់វង្សគ្រប់ជំនាន់**ឯកឧត្តមរដ្ឋមន្ត្រី ហួត ហាក់ ដឹកនាំកិច្ចប្រជុំក្រុមការងារតាក់តែងលិខិតបទដ្ឋានគតិយុត្ត ដើម្បីបន្តពិនិត្យ និងពិភាក្សាលើសេចក្តីព្រាងច្បាប់ស្តីពីអធិការកិច្ច**គណៈកម្មការទី៤ រដ្ឋសភា បើកកិច្ចប្រជុំផ្ទៃក្នុង ផ្សព្វផ្សាយសេចក្តីសម្រេចស្តីពីបែបបទនីតិវិធីការងារថ្មី បន្ទាប់ពីមានការអនុម័តពីគណៈកម្មាធិការអចិន្ត្រៃយ៍រដ្ឋសភា**រដ្ឋមន្ត្រីព័ត៌មាន ដឹកនាំកិច្ចប្រជុំពិនិត្យវឌ្ឍនភាពការងារអន្តរក្រសួង និងបន្តសហការអនុវត្តប្រកាសអន្តរក្រសួង ស្តីពីការគ្រប់គ្រងការផ្សព្វផ្សាយតាមគេហទំព័រ និងបណ្តាញទំនាក់ទំនងសង្គម ដែលដំណើរការតាមប្រព័ន្ធអ៊ីនធឺណិតនៅកម្ពុជា**ឧត្តមសេនីយ៍ទោ មៀច សាមុត នាំយកអំណោយសម្តេចធិបតី និងលោកជំទាវបណ្ឌិត ផ្តល់ជូនតាមបណ្តាផ្ទះបាយរួម ចំណុះទីបញ្ជាការកងពលតូចអន្តរាគមន៍លេខ១២៨**រដ្ឋមន្ត្រីក្រសួងផែនការ អញ្ជើញជួបសំណេះសំណាល និងសួរសុខទុក្ខថ្នាក់ដឹកនាំនិងមន្ត្រីរាជការ នៃមន្ទីរផែនការខេត្តព្រះសីហនុ**ឯកឧត្តម ហេង សួរ អញ្ជើញគោរពវិញ្ញាណក្ខន្ធឯកឧត្តម Nguyen Phu Trong នៅស្ថានទូតវៀតណាមប្រចាំនៅកម្ពុជា**អគារសិក្សា ១ខ្នង ៤បន្ទប់ ស្ថិតនៅសាលាបឋមសិក្សាពង្រ ក្នុងស្រុកអូរជ្រៅ ត្រូវបានសម្ពោធដាក់ឲ្យប្រើប្រាស់ជាផ្លូវការ**សម្ដេចតេជោ ហ៊ុន សែន អញ្ជើញដល់ អាកាសយានដ្ឋាណយបាយ ទីក្រុងហាណូយ ប្រកបដោយសុខសុវត្ថិភាព**រដ្ឋសភា អនុម័តសេចក្តីព្រាងច្បាប់ស្តីពីការអនុម័តយល់ព្រមលើអនុសញ្ញាស្តីពីឯកភាវូបនីយកម្មនៃវិធានមួយចំនួនពាក់ព័ន្ធនឹងការដឹកជញ្ជូនអន្តរជាតិតាមផ្លូវអាកាស និងប្រកាសបិទសម័យប្រជុំរដ្ឋសភាលើកទី២ នីតិកាលទី៧

ឯកឧត្តម ស្វាយ សំអ៊ាង ផ្ដល់អនុសាសន៍៧ចំណុច ដល់គណៈកម្មាធិការសមាគមអតីតយុទ្ធជនកម្ពុជា ឲ្យបន្តយកចិត្តទុកដាក់ក្នុងការអនុវត្តតួនាទី ភារកិច្ច និងការទទួលខុសត្រូវរបស់សមាគមអតីតយុទ្ធជនកម្ពុជាខេត្តស្ទឹងត្រែង ប្រកបដោយចីរភាព

ភ្នំពេញ៖ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តស្ទឹងត្រែង និងជាប្រធានកិត្តិយសសមាគមអតីតយុទ្ធជនកម្ពុជាខេត្ត បានផ្ដល់អនុសាសន៍៧ចំណុច ដល់គណៈកម្មាធិការសមាគមអតីតយុទ្ធជនកម្ពុជា ឲ្យបន្តយកចិត្តទុកដាក់ក្នុងការអនុវត្តតួនាទី ភារកិច្ច និងការទទួលខុសត្រូវរបស់សមាគមអតីតយុទ្ធជនកម្ពុជាខេត្តស្ទឹងត្រែង ប្រកបដោយចីរភាព។

ឯកឧត្តម ស្វាយ សំអ៊ាង បានផ្ដល់អនុសាសន៍បែបនេះ ក្នុងឱកាសដែលឯកឧត្តមអញ្ជើញចូលរួមក្នុងកិច្ចប្រជុំត្រួតពិនិត្យវឌ្ឍនភាពការងាររបស់សមាគមអតីតយុទ្ធជនកម្ពុជាខេត្ត នាព្រឹថ្ងៃអាទិត្យ ២រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែមិថុនា ឆ្នាំ២០២៤ ក្រោមអធិបតីភាពឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជា អគ្គលេខាធិការសមាគមអតីតយុទ្ធជនកម្ពុជា។

អនុសាសន៍៧ចំណុច ដែលឯកឧត្តម ស្វាយ សំអ៊ាង បានដាក់ចេញ មានដូចខាងក្រោម៖

ទី១-គណៈកម្មាធិការសមាគមអតីតយុទ្ធជនកម្ពុជា ត្រូវបន្តយកចិត្តទុកដាក់ខ្ពស់ក្នុងការអនុវត្តតួនាទី ភារកិច្ច និងការទទួលខុសត្រូវរបស់សមាគមអតីតយុទ្ធជនកម្ពុជាខេត្ត ប្រកបដោយចីរភាព និងបានរួមចំណែកក្នុងការគាំទ្រ និងផ្តល់ផលប្រយោជន៍ជាច្រើនថែមទៀត ចំពោះគុណ បំណាច់អតីតយុទ្ធជន។

ទី២-បន្តពង្រឹងពង្រីកយន្តការ និងសមាជិកភាពនៃរចនាសម្ព័ន្ធសមាគមអតីតយុទ្ធជនកម្ពុជាខេត្តឱ្យកាន់តែមានប្រសិទ្ធភាព និងស័ក្តិសិទ្ធិភាព ឆ្លើយតបទៅនឹងគោលការណ៍ លក្ខន្តិកៈ របស់សមាគមអតីតយុទ្ធជន។ ក្នុងនោះក៏ត្រូវបន្តខិតខំជំរុញការអនុវត្តភារកិច្ចក្នុងរចនាសម្ព័ន្ធដឹកនាំពី ថ្នាក់ខេត្ត ក្រុង ស្រុក ដល់ឃុំ សង្កាត់ ដែលបង្កលក្ខណៈងាយស្រួល ការរាយការណ៍ និងឈាន ទៅអន្តរាគមន៍បានទាន់ពេលវេលាក្នុងករណីចាំបាច់នានា។

ទី៣-ដឹកនាំសម្របសម្រួលការងាររបស់គណៈកម្មាធិការសមាគមអតីតយុទ្ធជនកម្ពុជា ខេត្តឱ្យកាន់តែមានភាពរីកចម្រើន និងពង្រឹងសាមគ្គីភាព ឯកភាពផ្ទៃក្នុងនិងកិច្ចសហប្រតិបត្តិការជាមួយយន្តការ នៃគណៈកម្មាធិការសមាគមអតីតយុទ្ធជនកម្ពុជាគ្រប់លំដាប់ថ្នាក់ ក្នុងការអនុវត្ត តួនាទី ភារកិច្ចឱ្យសម្រេចបានជោគជ័យតាមដំណាក់កាលបច្ចុប្បន្ន និងទៅអនាគត។

ទី៤-ត្រូវយកចិត្តទុកដាក់ ក្នុងការចុះជួបជាមួយបងប្អូនអតីតយុទ្ធជន នៅក្នុងមូលដ្ឋាន និងក្តាប់ឱ្យបាននូវទុកលំបាករបស់ពួកគាត់ ហើយត្រូវជួយសម្រួល និងដោះស្រាយភ្លាមៗតាមលទ្ធភាព ក្នុងករណីមិនមានលទ្ធភាព ត្រូវរាយការណ៍ទៅថ្នាក់លើដើម្បីជួយដោះស្រាយ។

ទី៥-ត្រូវខិតខំ ធ្វើការសម្របសម្រួល និងដោះស្រាយឱ្យបានទាន់ពេលវេលា នៅពេលដែលអតីតយុទ្ធជនរបស់យើងទទួលមរណៈភាព ដោយសម្រួលថវិកាគោលនយោបាយ និងថវិកាមរណៈសង្គ្រោះ ជូនដល់គ្រួសារអតីតយុទ្ធជនរបស់យើង។

ទី៦-ត្រូវចងក្រងឯកសារជីវប្រវត្តិរបស់សមាជិកអតីតយុទ្ធជន ឱ្យបានត្រឹមត្រូវសម្រាប់ជា មូលដ្ឋានប្រើប្រាស់នៅពេលចាំបាច់ និងធានាថាពួកគាត់អាចទទួលបាននូវជំនួយឧបត្ថម្ភតាម គោលនយោបាយនានារបស់រាជរដ្ឋាភិបាល ក៏ដូចជាការដោះស្រាយទុក្ខលំបាករបស់សមាជិក បានទាន់ពេលវេលា ដោយថ្នាក់ដឹកនាំសមាគមអតីតយុទ្ធជនខេត្ត។

ទី៧-ត្រូវយកចិត្តទុកដាក់លើការកៀរគរធនធានហិរញ្ញវត្ថុ ស្បៀងអាហារ សម្ភារប្រើ ប្រាស់ដើម្បីមានលទ្ធភាពក្នុងការដោះស្រាយការលំបាក និងបន្តអនុវត្តផែនការសកម្មភាពការងារ រៀបចំបែងចែកដីធ្លី និងជួយសាងសង់ផ្ទះ ជូនអតីតយុទ្ធជនរបស់យើងដែលនៅសេសសល់ក្នុង មូលដ្ឋាន ដោយផ្តល់អាទិភាពខ្ពស់ ជាពិសេសដល់សមាជិកអតីតយុទ្ធជនឱ្យសាកសមនឹងគុណ បំណាច់របស់ពួកគាត់ដែលបានបម្រើ និងលះបង់ ក្នុងបុព្វហេតុការពារ និងកសាងសន្តិភាពជូន មាតុភូមិកម្ពុជានាពេលកន្លងមក ៕

អត្ថបទដែលជាប់ទាក់ទង