អគ្គនាយកពន្ធនាគារ ដឹកនាំប្រជុំថ្នាក់ដឹកនាំ នាយកដ្ឋានជំនាញ ប្រធានមណ្ឌលអប់រំកែប្រែ និងពន្ធនាគាររាជធានីខេត្ត

ភ្នំពេញ៖ នៅព្រឹកថ្ងៃទី៥ ខែមិថុនា ឆ្នាំ២០២៤ នៅសាលប្រជុំ៤២០ នៃទីស្តីការក្រសួងមហាផ្ទៃ ឯកឧត្តម ឈន សាណាត អគ្គនាយក នៃអគ្គនាយដ្ឋានពន្ធនាគារ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារខែឧសភា និងលើកទិសដៅការងារសម្រាប់ខែបន្ទាប់។

ថ្នាក់ដឹកនាំ ប្រធាននាយកដ្ឋានជំនាញ និងប្រធានពន្ធនាគាររាជធានីខេត្ត បានលើកឡើងបញ្ហាប្រឈមច្រើនចំនុច ដើម្បីដាក់ជូនអង្គប្រជុំដោះស្រាយរួមមាន៖ កំណើនជនជាប់ឃុំ, ការងារសន្តិសុខពាក់ព័ន្ធជនជាប់ឃុំជាបរទេស, ការងារបណ្តុះបណ្តាល, របបអាហារជនជាប់ឃុំ, ថវិការឧបត្ថម្ភមន្រ្តីសន្តិសុខ, ការគ្រប់គ្រងអាវុធវែងខ្លីតាមបណ្តាលអង្គភាព, ជ្រើសរើសក្របខណ្ឌជួសជុល និងក្របខណ្ឌពិសេស, ជនជាប់ឃុំដែលបង្កបញ្ហា និងបង្កើតបក្សពួក ប្រមូលផ្តុំ និងមិនគោរពបទបញ្ជាផ្ទៃក្នុង, ចំណាត់ថ្នាក់សន្តិសុខ, ការដាក់វិន័យជនជាប់ឃុំ, ទូរស័ព្ទដៃ និងសម្លៀកបំពាក់សំរាប់មន្រ្តី។

នាឱកាសនោះ ឯកឧត្តម អគ្គនាយ បានផ្តល់អនុសាសន៍ដឹកជាដំណោះស្រាយដល់ប្រធានពន្ធនាគារ រាជធានីខេត្តទាំងអស់ដើម្បីអនុវត្តន៍៖
១.ត្រូវយកចិត្តទុកដាក់ខ្ពស់ចំពោះការងារគោលការណ៍មនុស្សធម៍ និងធ្វើការសហការណ៍ឲបានល្អជាមួយក្រសួងយុត្តិ៍ធម៏
២.ត្រូវអង្កេត និងយកចិត្តទុកដាក់ឲបានខ្ពស់ចំពោះមុខសញ្ញាពិសេស (មេគ្រឿងញៀន)
៣.បង្កើនការយកចិត្តទុកដាក់លើការគ្រប់គ្រងសំណុំរឿងជនជាប់ឃុំ
៤.មន្រ្តីទាំងអស់ក្នុងអំឡុងពេលបំពេញការងារត្រូវស្លៀកសម្លៀកបំពាក់ឯកសណ្ឋានឲ្យបានត្រឹមត្រូវ
៥.គ្រប់របាយការណ៍ទាំងអស់ត្រូវតែមានគុណភាព ខ្លី ខ្លឹម ខ្លាំង
៦.ត្រូវយកចិត្តទុកដាក់ខ្ពស់ចំពោះចំណាត់ថ្នាក់សន្តិសុខ (ខ្ពស់ មធ្យម ទាប)
៧.ហាមឃាត់មិនអោយមានគ្រឿងញៀនក្នុងពន្ធនាគារ
៨.ត្រូវគ្រប់គ្រងវត្តមានឲ្យបានច្បាស់លាស់ និងត្រួតពិនិត្យមន្រ្តីជាប្រចាំ
៩.ត្រូវពង្រឹងអនុវត្តគោលការណ៍វិន័យលើមន្រ្តីឲ្យបានមុឺងម៉ាត់
១០.បន្តយកចិត្តទុកដាក់បន្ថែមលើរបបអាហារជនជាប់ឃុំ
១១.បន្តជម្រុញការងាររដ្ឋាភិបាលឌីជីថល
១២.បន្តឧបត្ថមគាំទ្រដល់មន្រ្តីគ្រប់រូបនៅពេលជួបការខ្វះខាត ៕