សាលាសង្កាត់ឫស្សីកែវ រៀបចំកិច្ចប្រជុំក្រុមប្រឹក្សាសង្កាត់ អាណត្តិទី៥ លើកទី២៣ ប្រចាំខែឧសភា ដើម្បីលើកយករបៀបវារៈមួយចំនួនមកពិនិត្យ និងអនុម័ត
ភ្នំពេញ៖ នៅព្រឹកថ្ងៃចន្ទ ៥រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៧ ខែឧសភា ឆ្នាំ២០២៤ នៅសាលាសង្កាត់ឫស្សីកែវ បានរៀបចំកិច្ចប្រជុំក្រុមប្រឹក្សាសង្កាត់ អាណត្តិទី៥ លើកទី២៣ ប្រចាំខែឧសភា ឆ្នាំ២០២៤ ក្រោមអធិបតីភាព លោក មូល វីរៈ ប្រធានក្រុមប្រឹក្សាសង្កាត់ និងជាប្រធានអង្គប្រជុំ។
ដោយសមាសភាពដែលអញ្ជើញចូលរួមមាន៖ សមាជិកក្រុមប្រឹក្សាសង្កាត់ចំនួ០៩រូប, លោក តូច គឹមសុង នាយប៉ុស្តិ៍នគរបាល ស្មៀន និងមន្ត្រីសាលាសង្កាត់ និងលោកមេភូមិទាំង៤ ផងដែរ។
កិច្ចប្រជុំបានលើកយករបៀបវារៈរួមមាន៖
១-ពិនិត្យ និងអនុម័តលើកំណត់ហេតុប្រចាំខែមេសា ឆ្នាំ២០២៤
២-ពិនិត្យ និងអនុម័តលើរបាយការណ៍ប្រចាំខែ ឧសភា ឆ្នាំ២០២៤
៣-បញ្ហាផ្សេងៗ ដូចជា៖ ការងារសេវាសង្គម និងការងារយន្តការច្រកចេញចូល។
ជាកិច្ចចាប់ផ្ដើម លោកប្រធានអង្គប្រជុំបានមានមតិស្វាគមន៍ និងស្មៀនសាលាសង្កាត់អានកំណត់ហេតុអង្គប្រជុំ ប្រចាំខែមេសា ជូនអង្គប្រជុំ។
ជាកិច្ចបន្ទាប់អង្គប្រជុំបានពិនិត្យ លើរបាយការណ៍ប្រចាំខែ ឧសភា រួចមកសមាជិក អង្គប្រជុំបានលើកដៃអនុម័តលើកំណត់ហេតុ និងរបាយការណ៍ដោយលើកដៃទាំង០៩/០៩សំលេង។
ជាកិច្ចបន្ទាប់លោក តូច គឹមសុង នាយប៉ុស្តិ៍នគរបាល បានរាយការណ៍អំពីសកម្មភាពការងារសន្តិសុខ សណ្តាប់ធ្នាប់មូលដ្ឋាន ការបង្ក្រាបក្មេងទំនើង និងលទ្ធផលនៃកាដោះស្រាយ ទំនាស់ផ្សេងៗ ជូនប្រជាពលរដ្ឋក្នុងមូលដ្ឋាន។
លោកនាយប៉ុស្តិ៍ ក៏បានជម្រាបលោក មេភូមិទាំង៤ អោយជួយផ្សព្វ ផ្សាយដល់ប្រជាពលរដ្ឋដែលមានអត្តសញ្ញាណប័ណ្ណជិតហួសសុពលភាព សូមអញ្ជើញមកធ្វើអោយបានគ្រប់ៗគ្នា មុនផុតសុពលភាព៣ខែ។
បន្ទាប់មកលោកប្រធានអង្គប្រជុំបានមានមតិបូកសរុប និងជំរុញឲ្យក្រុមការងារទាំងអស់ឲ្យខិតខំប្រឹងប្រែងបំពេញការងារបំរើសេវាសាធារណៈ និងសេវាតម្រូវការ ជូនប្រជាពលរដ្ឋឲ្យបានរហ័សទាន់ចិត្ត ៕
