លទ្ធផលបឋម នៃការបោះឆ្នោតជ្រើសរើសក្រុមប្រឹក្សាខេត្ត ក្រុង ស្រុក នៅខេត្តព្រះសីហនុ គណបក្សប្រជាជន បានឈ្នះចំនួនអាសនៈដាច់ គ្រប់ក្រុមប្រឹក្សាខេត្ត ក្រុង ស្រុក របស់ខ្លួនទាំងស្រុង
ភ្នំពេញ៖ លទ្ធផលបឋម នៃការបោះឆ្នោតជ្រើសរើសក្រុមប្រឹក្សាខេត្ត ក្រុមប្រឹក្សាក្រុង និង ក្រុមប្រឹក្សាស្រុកនៅខេត្តព្រះសីហនុ បានបង្ហាញថា គណបក្សប្រជាជនកម្ពុជា បានឈ្នះចំនួនអាសនៈដាច់ គ្រប់ក្រុមប្រឹក្សាខេត្ត ក្រុង ស្រុក ខណ្ឌ របស់ខ្លួនទាំងស្រុង ជាមួយការកើនឡើងសំឡេងគាំទ្រផងដែរ។
យោងតាមរបាយការណ៍ បានគូសបញ្ជាក់ថា សម្រាប់ ក្រុមប្រឹក្សាខេត្ត គណបក្សប្រជាជនទទួលបាន ១៧១សំឡេង (កើន១០សំឡេង) អាសនៈ១៩/១៩ គណបក្សឆន្ទៈខ្មែរទទួលបាន០៦សំលេង អាសនៈ០/១៩។ ចំណែកក្រុមប្រឹក្សាក្រុង ស្រុក រកឃើញថា ក្រុងព្រះសីហនុ គណបក្សប្រជាជនទទួលបាន ៤០សំឡេង អាសនៈ១៩/១៩ គណបក្សឆន្ទៈខ្មែរទទួលបាន ០២សំឡេង អាសនៈ០/១៩។
ចំណែក ស្រុកព្រៃនប់ គណបក្សប្រជាជនទទួលបាន ៧៩សំឡេង អាសនៈ១៩/១៩ គណបក្សកម្លាំងជាតិទទួលបាន០៣សំឡេង អាសនៈ០០/១៩ មិនបានការ ០១សំឡេង។ ស្រុកស្ទឹងហាវ គណបក្សប្រជាជន ទទួលបាន២២សំឡេង អាសនៈ១១/១១។ ស្រុកកំពង់សីលា គណបក្សប្រជាជន ទទួលបាន២០សំឡេង អាសនៈ១១/១១។ ក្រុងកោះរ៉ុង គណបក្សប្រជាជនទទួលបាន១០សំឡេង អាសនៈ១១/១១ ៕