ឯកឧត្តម អ៊ូ វណ្ណា អញ្ជើញទទួលទឹកបរិសុទ្ធពីតំណាងក្រុមហ៊ុន ឧបត្ថម្ភដល់ក្រសួងមហាផ្ទៃ សម្រាប់ឆ្នាំ២០២៤
ភ្នំពេញ៖ នៅព្រឹកថ្ងៃទី១ ខែឧសភា ឆ្នាំ២០២៤ នេះ ឯកឧត្តម អ៊ូ វណ្ណា អនុរដ្ឋលេខាធិការក្រសួងមហាផ្ទៃ និងនាយករងខុទ្ទកាល័យប្រចាំការ ជាតំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញទទួលទឹកបរិសុទ្ធ ហាយ-ធិច ចំនួន ១ ៨០០កេស ពីតំណាងក្រុមហ៊ុន ឧបត្ថម្ភដល់ក្រសួងមហាផ្ទៃ សម្រាប់ឆ្នាំ២០២៤ និងបន្តឧបត្ថម្ភជារៀងរាល់ឆ្នាំផងដែរ។
ក្នុងនាមថ្នាក់ដឹកនាំក្រសួងមហាផ្ទៃ ឯកឧត្តមអភិសន្តិបណ្ឌិត ស សុខា សូមថ្លែងអំណរគុណយ៉ាងជ្រាលជ្រៅ និងសូមគោរពជូនពរដល់ថ្នាក់ដឹកនាំ និងបុគ្គលិកនៃក្រុមហ៊ុនទឹកបរិសុទ្ធ ហាយ-ធិច ទាំងអស់ បានជួបប្រទះតែនឹងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕