ចៅក្រមស៊ើបសួរនៃ សាលាដំបូងខេត្តស្ទឹងត្រែង សម្រេចឃុំខ្លួនបណ្តោះអាសន្ន លើជនត្រូវចោទម្នាក់ ពីបទល្មើសរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន
ភ្នំពេញ៖ សេចក្តីប្រកាសព័ត៌មានរបស់អ្នក នាំពាក្យ សាលាដំបូងខេត្តស្ទឹងត្រែង ចុះថ្ងៃទី១៣ ខែមេសា ឆ្នាំ២០២៤ ករណី សំណុំរឿង ព្រហ្មទណ្ឌលេខ ១២៥ ចុះថ្ងៃទី១៣ ខែមេសា ឆ្នាំ២០២៤ មាន ជនត្រូវចោទ ចំនួន១នាក់ ត្រូវបាន តំណាង អយ្យការ ចោទប្រកាន់ ពីបទល្មើសរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន ប្រព្រឹត្ត នៅភូមិឆ្នាំង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង កាលពីថ្ងៃទី១០ ខែមេសា ឆ្នាំ២០២៤។ តំណាង អយ្យការ ដក ហូត បាន វត្ថុតាង គ្រឿងញៀន ទម្ងន់ប្រមាណ ១០គីឡូក្រាម។
ចៅក្រម ស៊ើបសួរនៃ សាលាដំបូងខេត្តស្ទឹងត្រែង សម្រេចឃុំខ្លួន បណ្តោះអាសន្ន លើជនត្រូវចោទចំនួន១នាក់ ពីបទល្មើសរក្សាទុក ដឹកជញ្ជូន ឬជួញដូរដោយខុសច្បាប់នូវសារធាតុញៀន តាមមាត្រា៤០ នៃច្បាប់ស្តីពីការត្រួតពិនិត្យគ្រឿងញៀន៕
