សាលាដំបូង ខេត្តបាត់ដំបង សម្រេចឃុំខ្លួន បណ្តោះអាសន្ន ជនត្រូវចោទម្នាក់ពី បទល្មើស ជួញដូរដោយខុស ច្បាប់ នូវ សារធាតុញៀន ប្រព្រឹត្តនៅ ចំណុចព្រំប្រទល់ ស្រុកសំឡូត និងភូមិផ្លូវមាស ឃុំផ្លូវមាស ស្រុករតនមណ្ឌល
ភ្នំពេញ៖ អ្នកនាំពាក្យសាលាដំបូងខេត្តបាត់ដំបង បានចេញសេចក្តីប្រកាស ព័ត៌មាន ចុះថ្ងៃទី១៦ ខែមេសា ឆ្នាំ២០២៤ ករណី សំណុំរឿង ព្រហ្មទណ្ឌ មាន ជនត្រូវចោទ ចំនួន ៥នាក់ (មានខ្លួន១នាក់ ឃុំខ្លួននៅភ្នំពេញ១នាក់ និងគេចខ្លួន៣នាក់) ត្រូវបាន តំណាង អយ្យការ ចោទប្រកាន់ ពី បទល្មើស ជួញដូរដោយខុស ច្បាប់ នូវ សារធាតុញៀន ប្រព្រឹត្តនៅ ចំណុចព្រំប្រទល់ ស្រុកសំឡូត និងភូមិផ្លូវមាស ឃុំផ្លូវមាស ស្រុករតនមណ្ឌល ខេត្តបាត់ដំបង កាលពីថ្ងៃទី១២ ខែមេសា ឆ្នាំ២០២៤។ តំណាង អយ្យការ ដក ហូត បាន វត្ថុតាង គ្រឿងញៀន ទម្ងន់ជាង ២គីឡូក្រាម។
ចៅក្រម ស៊ើបសួរនៃ សាលាដំបូង ខេត្តបាត់ដំបង សម្រេចឃុំខ្លួន បណ្តោះអាសន្ន លើជនត្រូវចោទ១នាក់ ឈ្មោះ វ៉ម ឧត្តម ភេទប្រុស ពី បទល្មើសជួញដូរដោយខុស ច្បាប់ នូវ សារធាតុញៀន តាម មាត្រា៤០ នៃ ច្បាប់ ស្តីពី ការត្រួតពិនិត្យ គ្រឿងញៀន។ ដោយឡែក ជនត្រូវចោទ ផ្សេងទៀត ចៅក្រមស៊ើបសួរកំពុងបន្តចំណាត់ការស៊ើបសួរតាមនីតិវិធីច្បាប់៕