បរទេស៖ ប្រទេសចិនបានបង្ហាញពីឆន្ទៈក្នុងការសម្របសម្រួលការរវាងប៉ាគីស្ថាន និងអ៊ីរ៉ង់ បន្ទាប់ពីការវាយប្រហារជាបន្តបន្ទាប់ទៅលើគោលដៅសកម្មប្រយុទ្ធរបស់រដ្ឋាភិបាលទាំងពីរនៅទូទាំងព្រំដែនរៀងៗខ្លួន ដែលនាំឱ្យភាគីទាំងសងខាងបាត់បង់ជីវិត។
ការវាយប្រហារដោយកាំជ្រួចដែលផ្តួចផ្តើមដោយអ៊ីរ៉ង់ដោយគ្មានការបង្កហេតុណាមួយកាលពីយប់ថ្ងៃអង្គារបានបណ្តាលឱ្យកុមារពីរនាក់ស្លាប់និងក្មេងស្រីបីនាក់រងរបួស។ ការិយាល័យការបរទេសរបស់ប៉ាគីស្ថានបានថ្កោលទោសយ៉ាងដាច់អហង្ការចំពោះការវាយប្រហារមិនបង្កហេតុ ដោយបញ្ជាក់ថា ទីក្រុងតេអេរ៉ង់បានរំលោភលើអធិបតេយ្យភាពរបស់ប្រទេស។
ទន្ទឹមនឹងនេះ ដើម្បីឆ្លើយតបទៅនឹងការវាយប្រហារដែលអ៊ីរ៉ង់បានអះអាងថាបានកំណត់គោលដៅលើអង្គការសកម្មប្រយុទ្ធ ប៉ាគីស្ថានក៏បានបើកការវាយប្រហារមួយយប់ដែលបណ្តាលឱ្យមានការសម្លាប់គោលដៅសកម្មប្រយុទ្ធជាច្រើនដែលរស់នៅក្នុងតំបន់ព្រំដែនក្នុងប្រទេសអ៊ីរ៉ង់។
យោងតាមក្រុងតេអេរ៉ង់ ការវាយប្រហារដោយក្រុងអ៊ីស្លាម៉ាបាដបានឆក់យកជនស៊ីវិលយ៉ាងតិចប្រាំពីរនាក់។
ក្នុងអំឡុងពេលសន្និសីទសារព័ត៌មាននៅទីក្រុងប៉េកាំង អ្នកនាំពាក្យក្រសួងការបរទេសចិន លោកស្រី Mao Ning បានឲ្យដឹងថា ភាគីចិនសង្ឃឹមយ៉ាងស្មោះថា ភាគីទាំងពីរអាចអនុវត្តភាពស្ងប់ស្ងាត់ និងការអត់ធ្មត់ និងជៀសវាងការកើនឡើងនៃភាពតានតឹង។
លោកស្រីបានបន្ថែមថា៖ «យើងក៏មានឆន្ទៈក្នុងការដើរតួនាទីស្ថាបនាក្នុងការបន្ធូរបន្ថយស្ថានការណ៍ប្រសិនបើភាគីទាំងសងខាងចង់បាន»។
កាលពីដើមថ្ងៃនេះ អគ្គកុងស៊ុលចិននៅទីក្រុងការ៉ាជី យ៉ាង យុនទុង ក៏បានបញ្ជាក់ឡើងវិញនូវឆន្ទៈរបស់ប្រទេសចិនក្នុងការដើរតួនាទីស្ថាបនាក្នុងការដោះស្រាយភាពខុសគ្នារវាងប្រជាជាតិទាំងពីរ។
លោក Yundong បានឲ្យដឹងថា ចិនចង់សួរប៉ាគីស្ថាន និងអ៊ីរ៉ង់ថា យើងនឹងចង់ដើរតួក្នុងន័យស្ថាបនា ដើម្បីដោះស្រាយភាពខុសគ្នារវាងប្រទេសទាំងពីរ។
ចំពោះសំណួរមួយស្តីពីការរំលោភអធិបតេយ្យភាពរបស់ប៉ាគីស្ថានដោយចេតនាដោយការវាយប្រហារដោយមីស៊ីលនៅ Balochistan លោកបាននិយាយថា ប៉ាគីស្ថាន និងអ៊ីរ៉ង់គឺជាប្រទេសសំខាន់នៅក្នុងតំបន់ និងពិភពមូស្លីម ដូច្នេះចិនសង្ឃឹមថា ភាពខុសគ្នារវាងពួកគេអាចត្រូវបានដោះស្រាយតាមរយៈការចរចា និងសន្តិភាពផ្សេងទៀត។
ប្រទេសប៉ាគីស្ថានដែលមានអាវុធនុយក្លេអ៊ែរ និងប្រទេសជិតខាងអ៊ីរ៉ង់ទាំងពីរកំពុងប្រយុទ្ធនឹងការបះបោរនៅតាមតំបន់ព្រំដែនដែលមានប្រជាជនតិចរបស់ពួកគេ។
កាលពីថ្ងៃទី១៧ ខែមករា ប៉ាគីស្ថានបានព្រមានអ៊ីរ៉ង់អំពីផលវិបាកធ្ងន់ធ្ងរ បន្ទាប់ពីទីក្រុងតេអេរ៉ង់បានរំលោភលើដែនអាកាសរបស់ខ្លួន ដោយបានឆក់យកជីវិតជនជាតិប៉ាគីស្ថានពីរនាក់ និងរងរបួសជាច្រើននាក់ទៀត។
អ្នកនាំពាក្យការិយាល័យការបរទេសលោក Mumtaz Zahra Baloch បានឲ្យដឹងនៅក្នុងសេចក្តីថ្លែងការណ៍មួយថា ប៉ាគីស្ថានថ្កោលទោសយ៉ាងដាច់អហង្ការចំពោះការរំលោភបំពានដែនអាកាសរបស់ខ្លួនដោយអ៊ីរ៉ង់ ដែលបានបណ្តាលឱ្យកុមារស្លូតត្រង់ពីរនាក់ស្លាប់ និងរបួសក្មេងស្រីបីនាក់។
ប្រភព៖ Such TV
ប្រែសម្រួលដោយ៖ ឡាយ លីហួ
