សមត្ថកិច្ចនគរបាល ឃាត់ខ្លួនជនសង្ស័យម្នាក់ ករណីចែកចាយនិងប្រើប្រាស់គ្រឿងញៀនខុសច្បាប់ ក្នុងក្រុងកំពត
ភ្នំពេញ៖ នាថ្ងៃចន្ទទី០៨ ខែមករា ឆ្នាំ២០២៤ វេលាម៉ោង ១២ និង ៣០នាទី ដោយមានការយកចិត្តទុកដាក់ណែនាំនិងបញ្ជាយ៉ាងមុឹងម៉ាត់ ពីលោកឧត្ដមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត ក្នុងការបង្រ្កាបនូវរាល់បទល្មើស កម្លាំងជំនាញប្រឆាំងបទល្មើសគ្រឿងញៀន នៃអធិការដ្ឋាននគរបាលក្រុងកំពត បាន បង្រ្កាបបទល្មើសចែកចាយនិងប្រើប្រាស់គ្រឿងញៀន ០១ ករណី ស្ថិតនៅចំណុចអូរឌុកត្រូម ភូមិតាដិប សង្កាត់អណ្តូងខ្មែរ ក្រុងកំពត ខេត្តកំពត។
សមត្ថកិច្ចនគរបាល ឃាត់ខ្លួនជនសង្ស័យចំនួនម្នាក់៖ ១.ឈ្មោះ នាង ផាន់នី ភេទប្រុស អាយុ ៣៧ឆ្នាំ រស់នៅភូមិតាដិប សង្កាត់អណ្តូងខ្មែរ ក្រុងកំពត ខេត្តកំពត។ ដកហូតវត្ថុតាង៖ ថ្នាំញៀន ០១កញ្ចប់, ទូរសព្ទ័ ០១គ្រឿង និងម៉ូតូ ០១គ្រឿង។
បច្ចុប្បន្នជនសង្ស័យនិងវត្ថុតាង កំលាំងជំនាញយើងកំពុងកសាងសំណុំរឿង បញ្ជូនទៅតុលាការ ដើម្បីចាត់ការតាមនីតិវិធីច្បាប់ ៕
