ឧត្តមសេនីយ៍ទោ សេង ធារិន អញ្ជើញសំណេះសំណាលជាមួយ សិក្ខាកាមបញ្ចប់វគ្គសិក្សាក្នុង និងក្រៅប្រទេស ដែរបញ្ជូនមកបម្រើការងារ នៅទិសយោធភូមិភាគទី៥

ភ្នំពេញ៖ ឧត្តមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគទី៥ នាថ្ងៃទី២១ ខែធ្នូ ឆ្នាំ២០២៣ បានអញ្ជើញសំណេះសំណាលជាមួយសិក្ខាកាមបញ្ចប់វគ្គសិក្សា នាយទាហានទ័ពជើងគោក ជំនាន់ទី១១ នាយទាហានសកម្ម ជំនាន់ទី២៣ និងសិក្ខាកាមបញ្ជប់វគ្គសិក្សាក្រៅប្រទេស ដែលបញ្ជូនមកបម្រើការងារ នៅទិសយោធភូមិភាគទី៥។

មានប្រសាសន៍សំណេះសំណាល ឧត្តមសេនីយ៍ទោ សេង ធារិន បាននាំមកនូវការផ្តាំផ្ញើសាកសួរសុខទុក្ខ ពីសំណាក់ឯកឧត្តម ឧត្តមសេនីយ៍ឯក ឯក សំអូន មេបញ្ជាការរង កងទ័ពជើងគោក មេបញ្ជាការយោធភូមិភាគទី៥ ផងដែរ។

មេបញ្ជាការរង នាយសេនាធិការ យោធភូមិភាគទី៥ សូមធ្វើការផ្តាំផ្ញើដល់នាយទាហាន ទើបទទួលភារកិច្ចថ្មីត្រូវអនុវត្តបន្តលើការងារដឹកនាំគ្រប់គ្រងកម្លាំង និងកសាងពង្រឹងអង្គភាពរឹងមាំលើគ្រប់វិស័យ រក្សាសមិទ្ធផលចាស់បង្កើតសមិទ្ធផលថ្មី ត្រូវរួមសហការគ្នារក្សាសាមគ្គីឯកភាពផ្ទៃក្នុងឱ្យបានល្អជាប់ជានិច្ច ស្នើដល់នាយទាហាន ត្រូវអនុវត្តម៉ឺងម៉ាត់ វិន័យកងយោធពលខេមរភូមិន្ទ និងប្រឹងប្រែងហ្វឹកហ្វឺនរៀនសូត្រមានសមត្ថភាពមានចំណេះដឹង។

ជាចុងក្រោយសូមចូលរួមគោរពច្បាប់ចរាចរណ៍ផ្លូវគោកហើយសូមឱ្យចៀសឆ្ងាយពីគ្រឿងញៀនទាំងការសេព និងជួញដូរ​ដាច់ខាតមិនឱ្យមានក្នុងអង្គភាព៕