ការវាយប្រហារតាមអាកាសរបស់អ៊ីស្រាអែល តាមសេចក្តីរាយការណ៍បាន សម្លាប់មនុស្សរាប់សិបនាក់នៅជំរុំជនភៀសខ្លួនក្នុងតំបន់ Gaza
ក្រសួងសុខាភិបាលដែលគ្រប់គ្រងដោយក្រុមហាម៉ាសរបស់ហ្គាហ្សាបានឲ្យដឹងថាមនុស្ស៥០នាក់បានស្លាប់និង១៥០នាក់ទៀតរងរបួស។ ប៉ុន្តែមន្ទីរពេទ្យក្បែរនោះបានបញ្ជាក់ថា ខ្លួនបានទទួលអ្នកស្លាប់ចំនួន ៤០០ នាក់ ក្នុងនោះមាន ១២០ នាក់ស្លាប់។ រូបភាពបានបង្ហាញពីរណ្ដៅធំៗជាច្រើន ដែលហ៊ុំព័ទ្ធដោយអគារបាក់បែក។
យោធាអ៊ីស្រាអែលបានលើកឡើងថា ការវាយប្រហារនេះបានសម្លាប់មេបញ្ជាការជាន់ខ្ពស់របស់ក្រុមហាម៉ាសម្នាក់ ហើយហេដ្ឋារចនាសម្ព័ន្ធភេរវកម្មនៅក្រោមដី នៅក្រោមអគារនានាបានបាក់រលំជាបន្តបន្ទាប់។
វាបានបន្ថែមថា ភេរវករមួយចំនួនធំ មកពីកងវរសេនាតូច Central Jabalia របស់ក្រុមហាម៉ាស់ ដែលបាននៅជាមួយមេបញ្ជាការនៅពេលនោះ ក៏ត្រូវបានសម្លាប់ផងដែរ។
ទន្ទឹមនឹងនោះ រថក្រោះ និងកងទ័ពអ៊ីស្រាអែល បានបន្តដំណើរឆ្ពោះទៅកាន់តំបន់ដែលមានប្រជាជនច្រើនបំផុតនៅហ្គាហ្សាភាគខាងជើង រួមទាំង Jabalia ផងដែរ។
អ៊ីស្រាអែលបានបញ្ជាក់ថា វាគឺជា ដំណាក់កាលទីពីរ នៃសង្រ្គាមរបស់ខ្លួន ដើម្បីលុបបំបាត់ក្រុមហាម៉ាស ដែលបានចាប់ផ្តើមបន្ទាប់ពីការវាយប្រហារឆ្លងព្រំដែនដែលមិនធ្លាប់មានពីមុនមក ដោយខ្មាន់កាំភ្លើងពីតំបន់ហ្គាហ្សា កាលពីថ្ងៃទី ៧ ខែតុលា ដែលក្នុងនោះមនុស្ស ១.៤០០ នាក់ត្រូវបានសម្លាប់ និង ២៤០ នាក់ទៀតត្រូវបានចាប់ធ្វើជាចំណាប់ខ្មាំង។
ប្រភព៖ BBC
ប្រែសម្រួលដោយ៖ ហៃ ឆៃមុីនាង
