អគ្គលេខាធិការដ្ឋាន គ.ជ.ប.ជ រៀបចំកិច្ចប្រជុំស្តីពីការពង្រឹងភាពជាដៃគូ ក្នុងការងារប្រយុទ្ធប្រឆាំងអំពើជួញដូរមនុស្ស ជាមួយអង្គការដៃគូរពាក់ព័ន្ធ

ភ្នំពេញ៖ នៅរសៀលថ្ងៃព្រហស្បតិ៍ ៥កើត ខែភទ្របទ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី១៩ ខែតុលា ឆ្នាំ២០២៣ អគ្គលេខាធិការដ្ឋាន គ.ជ.ប.ជ បានរៀបចំកិច្ចប្រជុំស្តីពី ការពង្រឹងភាពជាដៃគូ ក្នុងការងារប្រយុទ្ធប្រឆាំងអំពើជួញដូរមនុស្ស ក្រោមអធិបតីភាពលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍ គ.ជ.ប.ជ ដែលសមាសភាពចូលរួមក្នុងកិច្ចប្រជុំរួមមាន លោកជំទាវ ឧត្តមសេនីយ៍ឯក វេជ្ជបណ្ឌិត ប៉ុណ្ណ សំខាន់ អគ្គលេខាធិការ នៃអគ្គលេខាធិការដ្ឋាន គ.ជ.ប.ជ ឯកឧត្តម លោកជំទាវ អគ្គលេខាធិការរង នៃអគ្គលេខាធិការដ្ឋាន គ.ជ.ប.ជ លោក លោកស្រី ដែលជាក្រុមការងារ លេខាធិការដ្ឋាន នៃអគ្គលេខាធិការដ្ឋាន គ.ជ.ប.ជ លោក លោកស្រី ប្រធាន អនុប្រធាន ឬតំណាងអង្គការដៃគូ រួមមាន អង្គការ ERIKS JALPEN, CHAB DAI, CARITAS SWISS, CARITAS CAMBODIA, PLAN, IJM, UNDP, AIM, RATANAK, WINROCK, APLE, HAGAR, SAMARITAN’s PURSE, CPU, ASEAN-ACT, LSCW, IOM, CWCC, និង ILO។

គោលបំណងនៃកិច្ចប្រជុំគឺដើម្បី ពិភាក្សាអំពីកិច្ចសហការរបស់អង្គការដៃគូ ជាមួយរាជរដ្ឋាភិបាល ពោលគឺ គ.ជ.ប.ជ ក្នុងកិច្ចការប្រយុទ្ធប្រឆាំង អំពើជួញដូរមនុស្ស និងលើកឡើងនូវបញ្ហាប្រឈមក្នុងការអនុវត្ត ដើម្បីស្វែងរកដំណោះស្រាយសមស្រប ៕