វគ្គហ្វឹកហ្វឺនពង្រឹង នាយទាហាន នាយទាហានរង ពលទាហាន និងម្ចាស់ការនៅនឹងកន្លែង របស់អង្គភាពតំបន់ប្រតិបត្តិការសឹករងព្រះវិហារ បានបិទបញ្ចប់ដោយជោជ័យ
ភ្នំពេញ៖ ឯកឧត្តម គីម រិទ្ធី អភិបាលខេត្តព្រះវិហារ បានអញ្ជើញជាអធិបតីក្នុងពិធីបិទវគ្គហ្វឹកហ្វឺនពង្រឹង នាយទាហាន នាយទាហានរង ពលទាហាន និងម្ចាស់ការនៅនឹងកន្លែង នៅវរសេនាតូចលេខ១ចាស់ នាថ្ងៃទី១៨ ខែតុលា ឆ្នាំ២០២៣ ។
ឧត្តមសេនីយ៍ទោ ច័ន្ទ សុភ័ក្ត្រា មេបញ្ជាការតំបន់ប្រតិបត្តិការសឹករងព្រះវិហារ បានឡេីងធ្វេីសេចក្តីរាយការណ៍អំពីលទ្ធផលសម្រេចបានដែលអង្គភាពម្ចាស់ការបេីកវគ្គហ្វឹកហ្វឺនក្នុងឆ្នាំ២០២៣នេះ ។
ថ្លែងក្នុងពិធីបិទវគ្គ ឯកឧត្តម អភិបាល នៃគណៈអភិបាលខេត្តព្រះវិហារ បានថ្លែងការកោតសរសើរដល់ ឯកឧត្តម អស់លោក គណៈកម្មាធិការវគ្គ យោធាចារ្យ នាយ នាយរង ពលទាហាន សិក្ខាកាមទាំងអស់ ដែលបានយកចិត្តទុកដាក់ខ្ពស់ធ្វើឱ្យវគ្គហ្វឹកហ្វឺននេះ បានបញ្ចប់ទៅដោយទទួលបានលទ្ធផលគួរជាទីមោទនភាព ។
ឯកឧត្តម អភិបាល នៃគណៈអភិបាលខេត្តព្រះវិហារ បានបន្តទៀតថា វគ្គដែលបានបញ្ចប់នេះ ថាពិតជាមានសារៈសំខាន់ និងផ្តល់នូវចំណេះដឹង ជាប្រភពធនធានមនុស្ស នៃកងយោធពលខេមរភូមិន្ទ ពិតប្រាកដទាំងចំណេះដឹង និងជំនាញពិតប្រាកដក្នុងភារកិច្ចការពារជាតិបានរឹងមាំ ។
ឯកឧត្តម បានផ្តាំផ្ញើដល់កម្មសិក្សាការីទាំងអស់ត្រូវយកចំណេះដឹងបានមកពីការសិក្សារៀនសូត្រយកទៅបម្រើជាតិមាតុភូមិ ឱ្យយចំគោលដៅ និងមានប្រសិទ្ធភាពខ្ពស់ និងផ្សព្វផ្សាយបន្តដល់មិត្តរួមអាជីព ។ ត្រូវស្មោះត្រង់ដាច់ខាតចំពោះ ជាតិ សាសនា ព្រះមហាក្សត្រ គោរពឲ្យបានច្បាប់ លក្ខន្តិកៈ បទវិន័យទូទៅរបស់ កងយោធពលខេមរភូមិន្ទ ឱ្យបានខ្ជាប់ខ្ជួន ។ ត្រូវប្តេជ្ញាគាំទ្រពេញទំហឹង និងចូលរួមអនុវត្តយ៉ាងសកម្មជាមួយរាជរដ្ឋាភិបាលនីតិកាលទី៧ ក្នុងការអនុវត្តវិធានការ គោលនយោបាយ និងកម្មវិធីនានា នៅក្នុងក្របខ័ណ្ឌនៃ “យុទ្ធសាស្ត្របញ្ចកោណដំណាក់កាលទី១”ប្រកបដោយប្រសិទ្ធភាព ៕
