កម្លាំងអាវុធហត្ថខេត្តតាកែវ ឃាត់យុវជន ៣នាក់ ករណីហិង្សាដោយចេតនាមានស្ថានទម្ងន់ទោស (ដេញវាយគ្នា) នៅខាងមុខស្ថានីយ៍ប្រេងសាំងស៊ូគីមិចតោ២ ក្រុងដូនកែវ
ភ្នំពេញ៖ ដោយទទួលបទបញ្ជាយ៉ាងមុឺងម៉ាត់ពី លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនីតិវិធីពីលោក ទៀវ ពណ្ណរាយ ព្រះរាជអាជ្ញារង អមសាលាដំបូងខេត្តតាកែវ នៅវេលាម៉ោង ២១:៣០នាទី ថ្ងៃទី០២ ខែកញ្ញា ឆ្នាំ២០២៣ លោកវរសេនីយ៍ឯក ង៉ែត ចាន់ធី មេបញ្ជាការរងខេត្ត បាដឹកនាំកម្លាំងជំនាញមន្ទីរស្រាវជ្រាវ និងបង្ក្រាបបទល្មើស សហការជាមួយកម្លាំងមូលដ្ឋានក្រុងដូនកែវ ចុះបង្ក្រាបជាក់ស្តែង ទៅលើក្រុមក្មេងទំនើង ដែលបង្ករករណីហិង្សាដោយចេតនាមានស្ថានទម្ងន់ទោស នៅចំនុចមុខការ៉ាស់សាំងសូគីមុិច (តោពីរ) ស្ថិតនៅភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ កម្លាំងយើងបានដេញ និងឃាត់ខ្លួនជនសង្ស័យបាននៅមុខការ៉ាស់សាំង ភី-ធី-ធី (រង្វង់មូលអូរចំបក់) ស្ថិតក្នុងភូមិខ្សឹង សង្កាត់រកាក្នុង ក្រុងដូន
កែវ ខេត្តតាកែវ។
ឃាត់ខ្លួនជនសង្ស័យបានចំនួន ០៣នាក់រួមមាន៖
១.ឈ្មោះ សឿន ខេមរីន ភេទប្រុស អាយុ១៩ឆ្នាំ មុខរបរមិនពិតប្រាកដ រស់នៅភូមិក្ដុល ឃុំលំចង់ ស្រុកសំរោង ខេត្តតាកែវ។
២.ឈ្មោះ ឆេង ពៅតារាពេជ្រ ភេទប្រុស អាយុ២០ឆ្នាំ មុខរបរជាងជួសជុលម៉ូតូ រស់នៅភូមិពីរ សង្កាត់រកាក្នុង ក្រុងដូនកែវ ខេត្តតាកែវ។
៣.ឈ្មោះ ហេង ចុងពេជ្រសុវណ្ណ ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិស្នោរ សង្កាត់រកាក្នុង ក្រុងដូនកែវ ខេត្តតាកែវ។
វត្ថុតាងចាប់យករួមមាន៖
១.ទូរស័ព្ចដៃចំនួន០២គ្រឿង(iphone និងrealme)។
២.ម៉ូតូម៉ាកហុងដាC125ចំនួន០២គ្រឿង(ពណ៌ខ្មៅ សេរី០១៩ពាក់ស្លាកលេខតាកែវ1T-5785,ពណ៌ខ្មៅ និងសេរី២០២៣ ពាក់ស្លាកលេខតាកែវ1AC-1022)។
៣.ដាវ០១ដើម ប្រវែង០,៦៧ម៉ែត្រ និងរណាអាដែក០១ដើម។
៤.កាបូបស្ពាយ០១ (ពណ៌ខ្មៅ)។
បច្ចុប្បន្ន ការិយាល័យជំនាញកំពុងកសាងសំណុំរឿងបញ្ជូនជនសង្ស័យនិងវត្ថុតាងទៅអយ្យការអមសាលាដំបូងខេត្តតាកែវចាត់ការតាមនីតិវិធីច្បាប់ ៕
