ឃាត់ខ្លួនជនសង្ស័យ ០៣នាក់ ពាក់ព័ន្ធនឹងករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន

កោះកុង៖ ដោយមានការចង្អុលបង្ហាញពីលោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង នៅថ្ងៃទី១២ ខែសីហា ឆ្នាំ២០២៣ វេលាម៉ោង ០៩និង០០នាទីព្រឹក លោកវរសេនីយ៍ឯក លឹម សែងច័ន្ទ អធិការ បានដឹកនាំកម្លាំងអធិការដ្ឋាន និងកម្លាំងប៉ុស្តិ៍នគរបាលរដ្ឋបាលប៉ាក់ខ្លង ចុះបង្ក្រាបករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន នៅចំណុចភូមិ២ ឃុំប៉ាក់ខ្លង ឃាត់ខ្លួនជនសង្ស័យចំនួន ០៣នាក់ ស្រី ០២នាក់។

នគរបាល បានឲ្យដឹងថា ជនសង្ស័យទាំង ០៣នាក់រួមមាន៖
១.ឈ្មោះ យ៉ែន ទឹម ភេទប្រុស អាយុ ៣២ឆ្មាំ មានទីលំនៅលើទូកភូមិ៣ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។
២.ឈ្មោះ ហៀក អៀ ភេទស្រី អាយុ ៥៦ឆ្នាំ មានទីលំនៅភូមិ២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។
៣.ឈ្មោះ ស៊ឹម វី ភេទស្រី អាយុ ៣៥ឆ្នាំ មានទីលំនៅភូមិ២ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។

ដកហូតវត្ថុតាងរួមមាន៖
-ម្សៅក្រាមសថ្លាសង្ស័យសារធាតុញៀនចំនួន ០៨កំណាត់ទុយោតូច
-ទូរសព្ទដៃចំនួន ០១គ្រឿង(ម៉ាកVIVO)។

បច្ចុប្បន្នជនសង្ស័យ កម្លាំងយើងបញ្ជូនទៅការិយាល័យជំនាញចាត់ការបន្ត ៕