ឧបនាយករដ្ឋមន្រ្តី ប៊ិន ឈិន អញ្ជើញបន្តចុះជួបសំណេះសំណាលជាមួយ សមាជិក សមាជិការ គណបក្សប្រជាជនកម្ពុជា ក្នុងឃុំចំនួន០២ ក្នុងស្រុកទ្រាំង

ភ្នំពេញ៖ ឯកឧត្ដម កិត្តិនីតិកោសលបណ្ឌិត ប៊ិន ឈិន ឧបនាយករដ្ឋមន្ត្រីប្រចាំការ រដ្ឋមន្ត្រីទីស្ដីការគណៈរដ្ឋមន្រ្តី និងជាប្រធានក្រុមការងារថ្នាក់ជាតិចុះមូលដ្ឋានខេត្តតាកែវ នាព្រឹកថ្ងៃអង្គារ៍ ទី១៨ ខែកក្ដដា ឆ្នាំ២០២៣ បានអញ្ជើញបន្តចុះជួបសំណេះសំណាលជាមួយបងប្អូន សមាជិក សមាជិការ គណបក្សប្រជាជនកម្ពុជា ក្នុងឃុំអង្កាញ់ និងឃុំសន្លុង ស្រុកទ្រាំង ខេត្តតាកែវ ជាង ១,០០០នាក់។

ពិធីនេះក៏មានការអញ្ជើញចូលរួមដោយ ឯកឧត្តម សុខ ផេង សហប្រធានក្រុមការងារចុះមូលដ្ឋានស្រុកទ្រាំង និងឯកឧត្ត សុខ ពុទ្ធិវុធ សហប្រធានក្រុមការងារចុះមូលដ្ឋានស្រុកទ្រាំង ព្រមទាំង ឯកឧត្តម អ៊ូច ភា ប្រធានគណៈកម្មាធិការគណបក្សខេត្តតាកែវ និងឯកឧត្តម លោកជំទាវ ប្រធាន អនុប្រធាន សមាជិក ក្រុមការងារចុះមូលដ្ឋាន ឃុំ ភូមិ ជាច្រើនរូបផងដែរ។

មានប្រសាសន៍សំណេះសំណាលនាសឱកាសនោះដែរ ឯកឧត្តម កិត្តិនីតិកោសលបណ្ឌិត ប៊ិន ឈិន បានពាំនាំមកនូវសេចក្តីនឹករលឹកពី សម្តេចតេជោ ហ៊ុន សែន នាយករដ្ឋមន្រ្តី និងជាប្រធានគណបក្សប្រជាជនកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជូនចំពោះសមាជិក សមាជិកា គណបក្សទាំងអស់ដោយក្ដីនឹករលឹក។

ឯកឧត្តម កិត្តិនីតិកោសលបណ្ឌិត ប៊ិន ឈិន បានលើកឡើងថា កាតព្វកិច្ចរបស់ប្រជាជនកម្ពុជា គឺត្រូវទៅបោះឆ្នោត ដោយមិនមានការបង្ខិតបង្ខំ បោះដោយសេរី មិនដែលមានគណបក្សប្រជាជនទៅដឹកដៃ ឬទៅគាបសង្កត់ឱ្យប្រជាជនទៅបោះឆ្នោតជូនគណបក្សទេ ហើយសូម្យបងប្អូនបន្តការជឿជាក់ថាគណបក្សប្រជាជនកម្ពុជា មិនបោកប្រាស់ និងមិនភូតកុហក់នៅអ្វីដែលគណបក្សបានធ្វើនោះទេ។

ឯកឧត្តម កិត្តិនីតិកោសលបណ្ឌិត ប៊ិន ឈិន ក៏អំពាវនាវឱ្យសមាជិក សមាជិកា ទៅបោះឆ្នោតឱ្យបានគ្រប់គ្នា នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ ដើម្បីបំពេញកាតព្វកិច្ចជូនជាតិមាតុភូមិ ជាពិសេសទៅបោះឆ្នោតជូនគណបក្សប្រជាជនកម្ពុជា លេខរៀងទី១៨ មានរូបសញ្ញា «ទេវតាបាចផ្កា» ជាសម្គាល់ សមាជិកម្នាក់ បោះឆ្នោត ១សន្លឹកជូនបក្ស គឺ គូសឱ្យបានត្រូវ ៕