ឯកឧត្តម ហោ សំអាត ណែនាំដល់សមាជិក-សមាជិកា គណបក្សប្រជាជនកម្ពុជានៅភូមិត្រពាំងរុន ត្រូវបន្តពង្រឹងរចនាសម្ព័ន្ធ ដោយរក្សាសមាជិកចាស់ បង្កើនសមាជិកថ្មី
ភ្នំពេញ៖ នៅថ្ងៃទី១៧ ខែកក្កដា ឆ្នាំ២០២៣នេះ ឯកឧត្តម ហោ សំអាត ប្រធានក្រុមការងារគណបក្សប្រជាជនកម្ពុជា ចុះមូលដ្ឋានឃុំកន្សោមអក និងឃុំប្រាសាទ បានបន្តអញ្ជើញជួបសំណេះសំណាលជាមួយ សមាជិក-សមាជិកា គណបក្សប្រជាជនកម្ពុជា នៅភូមិត្រពាំងរុន ឃុំកន្សោមអក ស្រុកកំពង់ត្របែក ខេត្តព្រៃវែង ដោយមានការចូលរួមពី ប្រធាន-អនុប្រធាន ក្រុមការងារចុះមូលដ្ឋានភូមិត្រពាំងរុន និងអ្នកពាក់ព័ន្ធជាច្រើនរូបទៀត។
នាឱកាសនោះដែរ ឯកឧត្តម ហោ សំអាត បានណែនាំដល់សមាជិក-សមាជិកា គណបក្សប្រជាជនកម្ពុជា នៅភូមិត្រពាំងរុនទាំងអស់ ត្រូវបន្តពង្រឹងរចនាសម្ព័ន្ធ ដោយរក្សាសមាជិកចាស់ បង្កើនសមាជិកថ្មី ជាពិសេស ត្រូវនាំគ្នាអញ្ជើញទៅបោះឆ្នោត នាថ្ងៃទី២៣ ខែកក្កដា ឆ្នាំ២០២៣ ខាងមុខនេះ ឱ្យបានគ្រប់ៗគ្នា ពោល គឺត្រូវបោះឆ្នោតជូនគណបក្សប្រជាជនកម្ពុជា មានរូបសញ្ញា «ទេវតាបាចផ្កា» មានលេខរៀងទី១៨ ក្នុងសន្លឹកឆ្នោត ដើម្បីរក្សាសុខសន្តិភាព ការអភិវឌ្ឍ និងភាពរីកចម្រើនជាបន្តទៀត។
ឯកឧត្តម បន្ដថា គណបក្សប្រជាជនកម្ពុជា បានខិតខំថែរក្សា និងការពារសុខសន្តិភាព ដែលរកបានមកយ៉ាងលំបាក ហើយបានបន្តជំរុញការអភិវឌ្ឍប្រទេសជាតិ ព្រមទាំងគិតគូរអំពីសុខទុក្ខ និងសុខុមាលភាពប្រជាពលរដ្ឋ ជាប់ជាប្រចាំ។
ឯកឧត្តម ហោ សំអាត បានណែនាំដល់ប្រជាពលរដ្ឋទាំងអស់ ត្រូវគូសលើសន្លឹកឆ្នោតឱ្យបានត្រឹមត្រូវ ដើម្បីរក្សាតម្លៃនៃសន្លឹកឆ្នោត ហើយគូសលើលេខរៀងទី១៨ ដើម្បីគាំទ្រគណបក្សប្រជាជនកម្ពុជា ឱ្យទទួលបានជោគជ័យ។ ឯកឧត្តម គូសបញ្ជាក់ថា គណបក្សប្រជាជនកម្ពុជា គឺជាគណបក្សមួយ មានភាពចាស់ទុំខាងនយោបាយផងដែរ៕
