បណ្ឌិត ហ៊ុន ម៉ាណែត លើក ៣ចំណុច ពីលក្ខណៈសម្បត្តិខុសគ្នា នៃមេដឹកនាំរវាងសម្តេចតេជោ ហ៊ុន សែន និងជនក្បត់ជាតិ សម រង្ស៊ី

ភ្នំពេញ៖ ឯកឧត្ដមបណ្ឌិត ហ៊ុន ម៉ាណែត បេក្ខភាពនាយករដ្ឋមន្ត្រីនាពេលអនាគត នៃគណបក្សប្រជាជនកម្ពុជា​ នៅថ្ងៃទី១៣ ខែកក្កដា​ ឆ្នាំ២០២៣ បានចេញវីដេអូមួយ ដោយធ្វើការប្រៀបធៀបពីភាពខុសគ្នាចំនួន ៣ចំណុច រវាងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក សម រង្ស៊ី ដែលជាមេដឹកនាំក្រុមឧទ្ទាមកំពុងរស់នៅក្រៅស្រុក។

៣ចំណុចដែលលោកបណ្ឌិត ហ៊ុន ម៉ាណែត ធ្វើការប្រៀបធៀប ដើម្បីឱ្យប្រជាពលរដ្ឋពិចារណារួមមាន៖

ទី១៖ សម្តេចតេជោ ហ៊ុន សែន ខ្លាចប្រទេសមានសង្គ្រាម និងខ្លាចប្រទេសអស្ថិរភាព ខណៈលោក សម រង្ស៉ី ខ្លាចប្រទេសមានស្ថិរភាព ទើបបានជាលោកតែងតែអំពាវនាវឲ្យមានការបះបោរ។

ទី២៖​ សម្តេចតេជោ ហ៊ុន សែន ខ្លាចប្រជាពលរដ្ឋអត់មានការងារធ្វើ បានជាខិតខំជំរុញឲ្យគេមកវិនិយោគ និងបង្កើតការងារ ខណៈលោក សម រង្ស៉ី ខ្លាចប្រជាពលរដ្ឋមានការងារល្អ បែរជាទៅអំពាវនាវឲ្យបរទេសដាក់ទណ្ឌកម្មសេដ្ឋកិច្ច ក៏ដូចជាផ្តាច់ EBA និង GSP ។

ទី៣៖ សម្តេចតេជោ​ ហ៊ុន សែន ខ្លាចប្រជាពលរដ្ឋស្លាប់ដោយសារកូវីដ១៩ បានជាខិតខំរកវ៉ាក់សាំង និងដាក់ចេញនូវយន្តការនានា តែលោក សម រង្ស៉ី មិនដែលអំពាវនាវឲ្យបរទេសផ្តល់ជំនួយវ៉ាក់សាំងដល់កម្ពុជាទេ ពោលគិតតែបន្តអំពាវនាវឲ្យបរទេសដាក់ទណ្ឌកម្មលើកម្ពុជា៕