អង្គរក្ស ៤នាក់ មិនដឹងថាជារបស់ឧកញ៉ា ឬលោកធំណាទេ បានធាក់ម៉ូតូអ្នកដំណើរម្នាក់ ដែលជិះទន្ទឹមនឹងរថយន្តរបស់មេខ្លួន
ភ្នំពេញ៖ យោងតាមហ្វេសប៊ុក ដែលមានឈ្មោះថា គាំទ្រគណបក្ស ប្រជាជន ដើម្បីប្រជាជន បានបង្ហោះសារយ៉ាងដូច្នេះថា មានអង្គរក្ស ៤នាក់ដោយមិនដឹងថាជារបស់ឧកញ៉ា ឬលោកធំណាទេ បានធាក់ម៉ូតូអ្នកដំណើរម្នាក់ដែលជិះទន្ទឹមនឹងរថយន្តរបស់មេគេ នៅតាមបណ្ដោយផ្លូវលេខ២ សង្កាត់ចាក់អង្រែ ខណ្ឌមានជ័យ រាជធានីភ្នំពេញ ។
ដំណើររឿង ៖ អង្គរក្សជិះម៉ូតូពីរគ្រឿង ពីក្រោយរថយន្តទំនើបមួយគ្រឿងម៉ាក Rolls Royce ពាក់ផ្លាកលេខ ភ្នំពេញ 2BL-1717មានគ្នាបួននាក់ មាន បានធាក់ម៉ូតូបុរសម្នាក់ដែលបានជិះនៅលើគន្លងផ្លូវស្តាំរបស់គាត់ហើយបុរសពីរនាក់ដែលមានកាន់វិទ្យុទាក់ទងបានព្យាយាមជិះទៅគៀគាត់នៅខាងមុខ តែដោយសារជិះវ៉ាជែងមិនបានដោយសារគាត់នៅពីមុខហើយជែងមិនផុតព្រោះគាត់ជិះយឺត ហើយក៌បានធាក់គាត់ពីក្រោយ និងចុះមករករឿងរកវ៉ៃគាត់គាត់ ហើយនិយាយថាជិះហ្នឹងមានមើលឡានគេទេ ។
ប្រភពដដែលបន្ថែមថា ទង្វើនេះមិនសមជាអ្នកការពារអ្នកធំ ឬឧកញ៉ាណានោះឡើយ ព្រោះនាំឱ្យស្អុយឈ្មោះអ្នកធំឬឧកញ៉ានោះទៅវិញទេសូមអាជ្ញាធរ សមត្ថកិច្ចជួយមើលនិងចំណាំ ហើយបើអាចហៅមកបំភ្លឺកាន់តែល្អ៕
