ឯកឧត្តម គួច ចំរើន សង្ឃឹម និងជឿជាក់ថា បងប្អូនរបស់យើងទាំងអស់គ្នានឹងទៅចូលរួមបោះឆ្នោតគាំទ្រសម្តេចតេជោ ធ្វើជានាយករដ្ឋមន្ត្រី

ភ្នំពេញ៖ ឯកឧត្តម គួច ចំរើន ប្រធានគណបក្សប្រជាជនកម្ពុជាខេត្តព្រះសីហនុ នាព្រឹកថ្ងៃទី៣០ ខែមិថុនា ឆ្នាំ២០២៣ បានអញ្ជើញសំណេះសំណាលជាមួយបុគ្គលិក និយោជិត កំពុងបម្រើការងារនៅសណ្ឋាគារ និងភោជនីយដ្ឋាន The Rich ក្នុងក្រុងព្រះសីហនុ សរុបចំនួន ៧២០នាក់ មានការចូលរួមពីអ្នកតំណាងរាស្ត្រខេត្តព្រះសីហនុ លោក លោកស្រីអភិបាលរងខេត្ត លោកអភិបាលក្រុង និងប្រធានមន្ទីរ អង្គភាពក្នុងខេត្ត។

ឯកឧត្តម គួច ចំរើន ប្រធានគណបក្សប្រជាជនកម្ពុជាខេត្ត បានបញ្ជាក់ថា កម្ពុជាដើលើផ្លូវត្រូវជ្រើសរើសប្រជាធិបតេយ្យ ដើម្បីជ្រើសរើសមេដឹកនាំរបស់ខ្លួន ដើម្បីធានានូវបរិយាកាសសង្គម ស្ថេរភាពនយោបាយ សុខសន្តិភាព ជំរុញដំណើរការអភិវឌ្ឍសេដ្ឋកិច្ចសង្គម ផ្តល់ឱកាសការងារ ទាក់ទាញការវិនិយោគ ការក៏សាងកែលម្អស្ថានភាពទូទៅមានដូចជា៖ ហេដ្ឋារចនាសម្ព័ន្ធនានា ច្បាប់ បទដ្ឋានបច្ចេកទេស និងការដាក់ចេញនូវគោលនយោបាយផ្សេងៗឱ្យសង្គមជាតិកាន់តែល្អប្រសើរឡើង ទាក់ទងការកសាង និងអភិវឌ្ឍវាបានដើរទន្ទឹមគ្នា ដែលកម្ពុជាបានឆ្លងកាត់សម័យសង្គ្រាម នៅពេលដែលប្រទេសកម្ពុជាទទួលបានសន្តិភាព មានការអភិវឌ្ឍរីកចម្រើននូវផ្លូវថ្នល់ យើងមានឱកាសកសាងជាបន្តបន្ទាប់ ចាប់ពីផ្លូវដីហុយ មកជាផ្លូវកៅស៊ូ ផ្លូវបេតុង រហូតមានផ្លូវហាយវេ (ល្បឿនលឿន) ហើយសមិទ្ធផលទាំងអស់នេះ បានមកពីតម្លៃ នៃសន្តិភាពរបស់យើងទាំងអស់គ្នា យើងមានឱកាសអភិវឌ្ឍកសាងសង្គមជាតិរបស់យើង ក៏ដូចជាការអភិវឌ្ឍគ្រួសារកាន់តែល្អប្រសើរពីមួយឆ្នាំទៅមួយឆ្នាំ ទន្ទឹមនោះខេត្តព្រះសីហនុ បានពង្រីកកំពង់ផែទឹកជ្រៅ ព្រលានយន្តហោះអន្តរជាតិ ផ្លូវល្បឿនលឿន នេះដោយសារតែកម្ពុជាមានសន្តិភាព ហើយផ្លែផ្កានៃសន្តិភាពយើងទទួលបានសមិទ្ធផលទាំងអស់នេះ ផ្តល់ឱកាសការងារជូនបងប្អូនដែលនៅទីនេះមកពីបណ្តាខេត្ត រាជធានី ហើយការអភិវឌ្ឍនៅខេត្តព្រះសីហនុ មិនត្រឹមផ្តល់អត្ថប្រយោជន៍ដល់អ្នកខេត្តព្រះសីហនុនោះទេ គឺផ្តល់ឱកាសឱ្យបងប្អូនរបស់យើងមកពីគ្រប់ខេត្ត ក្រុង ក្នុងនោះក៏មានទាំងជនបរទេសដែលមកធ្វើទេសចរណ៍ និងមកវិនិយោគនៅក្នុងខេត្តព្រះសីហនុ។

ក្នុងឱកាសនោះឯកឧត្តមប្រធានគណបក្សខេត្ត ក៏បានពាំនាំការសួរសុខទុក្ខ សេចក្តីនឹករលឹកពីសម្តេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា និងឯកឧត្តម សាយ សំអាល់ ប្រធានក្រុមការងាររាជរដ្ឋាភិបាលចុះជួយខេត្តព្រះសីហនុ ដែលបានគិតគូរពីសុខទុក្ខ និងការអភិវឌ្ឍនូវហេដ្ឋារចនាសម្ព័ន្ធនានាក្នុងខេត្ត មានដូចជា ហេដ្ឋារចនាសម្ព័នផ្លូវ លំហរឆ្នេរសមុទ្រ បន្ទប់ទឹកសាធារណ អាងប្រព្រឹត្តកម្មទឹកកខ្វក់ និងមានហេដ្ឋារចនាសម្ព័នជាច្រើនទៀតដែលកំពុងកើតមាននៅលើទឹកដី នៃខេត្តព្រះសីហនុ ទន្ទឹមនោះវាមានការទាក់ទងនឹងសកម្មភាពការរៀបចំការបោះឆ្នោតនីតិកាលទី៧ នាពេលខាងមុខនេះផងដែរ ប្រសិនបើមិនមានការដឹកនាំដ៏ត្រឹមត្រូវ និងឆ្លៀសវៃរបស់សម្តេចអគ្គមហាសេនាបតីតេជោ ហ៊ុន សែន ប្រទេសកម្ពុជាមិនមានសុខសន្តិ ភាពដូចសពថ្ងៃនេះទេ យើងដឹងហើយថា កម្ពុជាបានឆ្លងកាត់សង្គ្រាមរាំរ៉ៃអស់ជាច្រើទស្សវត្ត ធ្វើឱ្យប្រជាពលរដ្ឋរាប់លាននាក់បានស្លាប់ក្នុងរបបប្រល័យពូជសាសន៍ ប៉ុល ពត ក្នុង រយៈពេល ៣ឆ្នាំ ៨ខែ ដែលប្រជាពលរដ្ឋកម្ពុជានៅតែចងចាំ នូវសោដនាដកម្មនេះ ដូច្នេះមានតែគណបក្សប្រជាជនតែមួយគត់ ដែលបានជួយសង្គ្រោះជីវិតរបស់ប្រជាពលរដ្ឋ និងរកសុខសន្តិភាព និងការអភិវឌ្ឍប្រទេសជាតិមានការរីកលូតលាស់រហូតមកដល់បច្ចុប្បន្ននេះ។

ឯកឧត្តមប្រធានគណបក្សខេត្ត សង្ឃឹម និងជឿជាក់ថា បងប្អូនរបស់យើងទាំងអស់គ្នានឹងទៅចូលរួមបោះឆ្នោតគាំទ្រសម្តេចតេជោ ធ្វើជានាយករដ្ឋមន្ត្រី និងគាំទ្រឯកឧត្តមបណ្ឌិត ហ៊ុន ម៉ាណែត ជាបេក្ខភាពនាយករដ្ឋមន្ត្រីសម្រាប់ពេលអនាគត សម្រាប់នីតិកាលទី៧ ខាងមុខនេះ។

ឯកឧត្តមប្រធានគណបក្សខេត្ត ក៏បាននាំយកថវិកាសម្តេចតេជោ និងសម្តេចកិត្តិព្រឹទ្ធបណ្ឌិត ឧបត្ថម្ភជូនបុគ្គលិក និយោជិតដែលបានចូលរួមសរុបចំនួន ៧២០នាក់ ក្នុងម្នាក់ៗទទួលបានថវិកា ៥ម៉ឺនរៀលផងដែរ ៕