ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឧបត្ថម្ភថវិកាចំនួន ៣ម៉ឺនដុល្លារ ដល់ម្តាយទារិកា «ខន សែនចរណៃ» ដែលសម្រាលនៅពេលចូលរួមកម្មវិធីសំណេះសំណាលនៅក្រុងបាវិត សម្រាប់សងធនាគារដែលយកមកសង់ផ្ទះ។
ក្នុងឱកាសបន្តចុះជួបសំណេះសំណាលជាមួយកម្មករ និយោជិតសរុប ១៩,០៨៥នាក់ មកពីរោងចក្រសហគ្រាសចំនួន៩ ដែលកំពុងដំណើរការអាជីវកម្មក្នុងក្រុងច្បារមន និងស្រុកសំរោងទង ខេត្តកំពង់ស្ពឺ នាថ្ងៃទី២៧ មិថុនា សម្តេចតេជោ ហ៊ុន សែន បានបញ្ជាក់ថា «ថ្ងៃមុនទៅបាវិត អីឡូវបានចៅមួយ គេដាក់ឈ្មោះ ខន សែនចរណៃ ខ្ញុំបានបញ្ជូនប្រាក់ព្រោះគ្នាធ្វើផ្ទះបានល្អ លើដីដែលឪពុក ម្តាយចែកឱ្យ ប៉ុន្តែត្រូវជំពាក់ធនាគារ បង់ឱ្យគេនៅខ្វះ ២,១០០០ដុល្លារ ខ្ញុំបញ្ជូន៣ម៉ឺនដុល្លារទៅឱ្យ»។
ក្រៅពីការឧបត្ថម្ភថវិកា សម្រាប់សងធនាគារ សម្តេចតេជោ ហ៊ុន សែន ក៏បានប្រកាសជួយចិញ្ចឹមរហូតដល់អាយុ៣ឆ្នាំ ប៉ុន្តែ សម្រាប់ការចិញ្ចឹមរយៈពេល៣ឆ្នាំនេះ គ្រាន់តែជាការចាប់ផ្តើមប៉ុណ្ណោះ តែសម្រាប់អាចបន្តថែមទាំទារិកា «ខន សែនចរណៃ» បន្តទៀត ៕
