ចង្កោមនៃអាហារប្រពៃណីចិន Zongzi ដែលមានអាយុ ២,០០០ ឆ្នាំត្រូវបានគេរកឃើញនៅកណ្តាលប្រទេសចិន

ZHENGZHOU÷ចង្កោមនៃអាហារប្រពៃណីចិន Zongzi ដែលមានអាយុកាលជាង ២,០០០ ឆ្នាំត្រូវបានរកឃើញនៅក្នុងផ្នូរបុរាណមួយដែលត្រូវបានជីកនៅក្នុង Xinyang ខេត្ត Henan នេះបើយោងតាមវិទ្យាស្ថានបេតិកភណ្ឌវប្បធម៌និងបុរាណវិទ្យាខេត្ត Henan ។Zongzi ជាធម្មតាមានរាងជាពីរ៉ាមីត ត្រូវបានធ្វើពីអង្ករដំណើបដែលមានការបំពេញផ្សេងៗគ្នា ហើយរុំដោយស្លឹកឫស្សី ឬដើមត្រែង។ប្រជាជនចិនបរិភោគអាហារស្អិតនេះ ដើម្បីប្រារព្ធពិធីបុណ្យអុំទូក រៀងរាល់ឆ្នាំ។ផ្នូរ​ដែល​ការ​រក​ឃើញ​ត្រូវ​បាន​គេ​ធ្វើ​ឡើង​ជា​កម្មសិទ្ធិ​របស់​រដ្ឋ​បុរាណ​របស់ Chu ក្នុង​អំឡុង​ពេល​រដ្ឋ​ពាក់​កណ្តាល​សង្រ្គាម (៤៧៥ មុនគ.ស.-២២១ មុនគ.ស)។

យោងតាមអ្នកបុរាណវត្ថុវិទូ មាន “រុំ” ស្រដៀងនឹង zongzi ចំនួន ៤០ ដែលផ្ទុកដោយអាហារគ្រាប់ធញ្ញជាតិ ត្រូវបានគេរកឃើញនៅក្នុងផ្នូរទាំងមូល ជាមួយនឹងបំណែកខ្លះទៀតដែលបាក់បែកខ្ចាត់ខ្ចាយនៅក្នុងផ្នូរ។”រុំ” នីមួយៗមានអង្កត់ផ្ចិតប្រហែល ១០ ទៅ ១៥ សង់ទីម៉ែត្រត្រូវបានរុំដោយស្លឹកធំទូលាយហើយចងដោយខ្សែឬដើម។ដោយប្រើមីក្រូទស្សន៍ អ្នកបុរាណវត្ថុវិទូបានរកឃើញថា ៣៩ ក្នុងចំណោម ៤០ “រុំ” ត្រូវបានខ្ចប់ដោយអង្ករមិនទាន់ឆ្អិន ហើយនៅមានអង្កាម ហើយមួយទៀតដាក់ជាមួយមីមួយប្រភេទ។

រុក្ខជាតិដែលប្រើជាក្រដាសរុំត្រូវបានគេកំណត់ថាជាស្លឹក Quercus ដែលមានទំនៀមទម្លាប់នាពេលបច្ចុប្បន្នដែលបានអនុវត្តនៅភាគខាងលិច និងភាគខាងត្បូងនៃខេត្ត Henan នៃការរុំ Zongzi ជាមួយស្លឹក Quercus ។Lan Wanli បុរាណវិទូមកពីវិទ្យាស្ថានបេតិកភណ្ឌវប្បធម៌ និងបុរាណវិទ្យាខេត្ត Henan បាននិយាយថា “ដោយវិនិច្ឆ័យពីការរកឃើញខាងបុរាណវត្ថុ និងការអនុវត្តតាមទំនៀមទម្លាប់ ស្លឹក Quercus-leaf wraps ទាំងនេះគឺជា Zongzi ដំបូងបំផុតដែលត្រូវបានរកឃើញដោយអ្នកបុរាណវត្ថុវិទ្យា” ។
ពិធីបុណ្យអុំទូក ឬហៅថា ពិធីបុណ្យ Duanwu ត្រូវបានប្រារព្ធឡើងនៅថ្ងៃទីប្រាំនៃខែទីប្រាំ តាមប្រតិទិនចន្ទគតិរបស់ចិន។

ប្រភពព័ត៌មានៈXinhua
ប្រែសំរួលដោយៈយ៉េន សុវណ្ណារ៉ា