បាត់ដំបង៖ នៅថ្ងៃទី១៤ ខែមិថុនា ឆ្នាំ២០២៣ វេលាម៉ោង១៧ និង១០នាទី កម្លាំងផ្នែកជំនាញព្រហ្មទណ្ឌ័ សហការជាមួយក្រុមអន្តរាគមន៍ នៃអធិការដ្ឋាននគរបាលក្រុងបាត់ដំបង ដឹកនាំដោយលោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានចុះបង្រ្កាបករណីលេងល្បែងស៊ីសងដោយខុសច្បាប់ (ក្ដាមឃ្លោក) ១លើក ត្រង់ចំណុចក្រុមទី២២ ភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង។
ក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនមនុស្សចំនួន៩នាក់៖ ១.ឈ្មោះ ហុក វីរៈ ភេទប្រុស អាយុ៣៣ឆ្នាំ មានទីលំនៅភូមិអូរខ្ជាយ សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង, ២.ឈ្មោះ នៅ ចំរើន ភេទប្រុស អាយុ ៤២ឆ្នាំ មានទីលំនៅភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង, ៣.ឈ្មោះ រស់ ម៉ៅ ភេទប្រុស អាយុ ៤០ឆ្នាំ មានទីលំនៅភូមិគ្រោះ ឃុំជ្រៃ ស្រុកថ្មគោល ខេត្តបាត់ដំបង, ៤.ឈ្មោះ វ៉ែន វ៉ាន់នី ភេទប្រុស អាយុ ៣៦ឆ្នាំ មានទីលំនៅភូមិពពាខែ ឃុំជ្រៃ ស្រុកថ្មគោល ខេត្តបាត់ដំបង, ៥.ឈ្មោះ ចុង ស្រីនាង ភេទស្រី អាយុ ៤២ឆ្នាំ មានទីលំនៅភូមិអង់ សង្កាត់អូរចារ ក្រុងបាត់ដំបង ខេត្តបាត់ដំបង, ៦.ឈ្មោះ ភួង ស៊ីយ៉េត ភេទស្រី អាយុ ៥៥ឆ្នាំ មានទីលំនៅភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង, ៧.ឈ្មោះ កុច ប៉ិច ភេទស្រី អាយុ ៦៤ឆ្នាំ មានទីលំនៅភូមិព្រែកឆ្កោរ ឃុំពាមឯក ស្រុកឯកភ្នំ ខេត្តបាត់ដំបង, ៨.ឈ្មោះ ណុប ស្រៀន ភេទស្រី អាយុ២៨ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង និង៩.ឈ្មោះ ប្រាជ្ញ កុម្ភៈ ភេទប្រុស អាយុ ៤១ឆ្នាំ មានទីលំនៅភូមិ២០ឧសភា សង្កាត់ស្វាយប៉ោ ក្រុងបាត់ដំបង ខេត្តបាត់ដំបង មកកាន់អធិការដ្ឋាននគរបាលក្រុងបាត់ដំបងដើម្បីធ្វើការសាកសួរ។
វត្ថុតាងដកហូតរួមមាន៖ គ្រាប់ក្ដាមឃ្លោកចំនួន ៣គ្រាប់ ។ ប៉ាយសម្រាប់ចាក់ក្ដាមឃ្លោកចំនួន ១។ប្រដាក់ក្រឡុកក្ដាមឃ្លោកចំនួន១។កៅអីជ័រចំនួន៣។
បច្ចុប្បន្នពេលនាំខ្លួនមកធ្វើការសាកសួរនៅអធិការដ្ឋានរួចមក អ្នកលេងល្បែងស៊ីសងខុសច្បាប់ទាំង៩នាក់ខាងលើត្រូវបានធ្វើការអប់រំ និងកិច្ចសន្យាឱ្យបញ្ឈប់សកម្មភាពនេះបន្តទៀត រួចអនុញ្ញាតឱ្យគ្រួសារ មកធានាត្រឡប់ទៅមូលដ្ឋានវិញ៕
