នាយឧត្តមសេនីយ៍ គៀត ច័ន្ទថារិទ្ធ ដឹកនាំកិច្ចប្រជុំលើកទី២ ស្តីពីការត្រៀមរៀបចំប្រតិបត្តិការនិងការផ្លាស់ប្ដូរទីកន្លែងបម្រេីការងារទៅកាន់អាកាសយានដ្ឋានអន្តរជាតិសៀមរាប-អង្គររវាងគ្រប់សមត្ថកិច្ច ពាក់ព័ន្ធនានា
ភ្នំពេញ៖ ឯកឧត្តម នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ នារសៀលថ្ងៃសុក្រ ១៥ រោច ខែពិសាខ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ខែឧសភា ឆ្នាំ២០២៣នេះ បានអញ្ជេីញដឹកនាំគណ:ប្រតិភូកិច្ចប្រជុំលើកទី២ ស្តីពីការត្រៀមរៀបចំប្រតិបត្តិការនិងការផ្លាស់ប្ដូរទីកន្លែងបម្រេីការងារទៅកាន់អាកាសយានដ្ឋានអន្តរជាតិសៀមរាប-អង្គររវាងគ្រប់សមត្ថកិច្ច ពាក់ព័ន្ធនានា នៃអាកាសយានដ្ឋានអន្តរជាតិសៀមរាប និងក្រុមហ៊ុន Yunnan Airinvestment (Cambodia) Airport Management Co., Ltd.។ កិច្ចប្រជុំនេះមានការអញ្ជេីញចូលរួមពី ឯកឧត្តម ប៊ុន រដ្ឋ នាយកអាកាសយានដ្ឋានអន្តរជាតិសៀមរាប នៃរដ្ឋលេខាធិ-ការដ្ឋានអាកាសចរស៊ីវិល។
កិច្ចប្រជុំនេះគឺដើម្បីត្រៀមលក្ខណៈសម្បត្តិសមស្របក្នុងការបំពេញការងារជំនាញ និងការបំពាក់សម្ភារៈបច្ចេកទេសអន្តោប្រវេសន៍ នៅអាកាសយានដ្ឋានអន្តរជាតិសៀមរាបថ្មី ស្ថិតនៅភូមិសាស្ត្រឃុំតាប៉ែក ស្រុកសូទ្រនិគម ខេត្តសៀមរាប ដែលកំពុងដំណើរការសាងសង់នេះ អគ្គនាយកដ្ឋានអន្តោប្រវេសន៍ បានដឹកនាំគណ:ប្រតិភូចុះត្រួតពិនិត្យផ្ទាល់ ប្រជុំពិភាក្សារស្នេីរ ឯកឧត្តម នាយឧត្តមសេនីយ៍ បណ្ឌិត រដ្ឋមន្ត្រី មេត្តាជួយសម្រួល ដើម្បីឲ្យក្រុមហ៊ុន Angkor International Airport Investment Cambodia Co., Ltd រៀបចំហេដ្ឋារចនាសម្ព័ន្ធសម្រាប់ការបំពេញកិច្ចការជំនាញ និងការបំពាក់សម្ភារៈបច្ចេកទេសអន្តោប្រវេសន៍ចាំបាច់នានាតាមគោលដៅដូចជា ស្ថានីយអ្នកដំណេីរចូល ស្ថានីយអ្នកដំណេីរចេញ ស្ថានីយអ្នកដំណេីរចូល-ចេញវីអាយភី កន្លែងក្រុមផ្ដល់ទិដ្ឋាការមកដល់ សំណង់អគារសម្រាប់មន្រ្តីច្រកទ្វារ, មន្រ្តីផ្ដល់ទិដ្ឋាការ និងមន្រ្តីអនុវត្តនីតិវិធី និងសំណង់អគារសម្រាប់ជនបរទេសដែលត្រូវត្រៀមបណ្ដេញចេញ ៕
