ឯកឧត្ដម សក់ សេដ្ឋា ចូលរួមកិច្ចប្រជុំស្ដាប់ និងពិភាក្សាលើរបាយការណ៍ ស្ដីពីលទ្ធផលស្រាវជ្រាវដើម្បីលើកកម្ពស់គុណភាព ប៉ុស្តិ៍នគរបាលរដ្ឋបាលឃុំ សង្កាត់
ភ្នំពេញ៖ ឯកឧត្ដម សក់ សេដ្ឋា រដ្ឋលេខាធិការប្រចាំការ ក្រសួងមហាផ្ទៃ នារសៀលថ្ងៃទី២៨ ខែមីនា ឆ្នាំ២០២៣នេះ បានអញ្ជើញដឹកនាំកិច្ចប្រជុំស្ដាប់ និងពិភាក្សាលើរបាយការណ៍ ស្ដីពីលទ្ធផលស្រាវជ្រាវដើម្បីលើកកម្ពស់គុណភាពប៉ុស្តិ៍នគរបាលរដ្ឋបាលឃុំ សង្កាត់ ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ។
កិច្ចប្រជុំនេះ មានការអញ្ជើញចូលរួមពី ឯកឧត្តម សន្តិបណ្ឌិត ចាន់ អ៊ាន រដ្ឋលេខាធិការក្រសួងមហាផ្ទៃ ទទួលបន្ទុកបុគ្គលិក ឯកឧត្តមរដ្ឋលេខាធិការ អនុរដ្ឋលេខាធិការ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ ឯកឧត្តមអគ្គនាយក អគ្គនាយរង និងមន្រ្តីជាន់ខ្ពស់ក្រសួងមហាផ្ទៃ។
យោងតាមរបាយការណ៍ ការវិភាគ និងលើកយោបល់ បានផ្តោតលើការផ្ដល់ក្របខ័ណ្ឌតាមប្រភេទប៉ុស្តិ៍ និងការកំណត់និយាមបរិមាណកម្លាំង, ការធានានិរន្តរភាពកម្លាំងប៉ុស្តិ៍នគរបាលរដ្ឋបាល និងការរៀបចំយន្តការគាំទ្រប៉ុស្តិ៍នគរបាលរដ្ឋបាល។ របាយយការណ៍របស់ក្រុមការងារស្រាវជ្រាវក៏បានដាក់ទិសដៅ និងសំណូមពរមួយចំនួនជូនសម្ដេចឧបនាយករដ្ឋមន្រ្តី និងថ្នាក់ដឹកនាំក្រសួងមហាផ្ទៃ ផ្ដល់យោបល់បន្ថែម និងសម្រេចក្នុងកិច្ចប្រជុំនេះផងដែរ៕
