សម រង្សុី ភាពល្ងង់ខ្លៅពិតមែនសូម្បីតែអាណត្តិប្រធានអាស៊ានក៏លោកមិនដឹង. ហើយក៏ជាការប្រមាថដ៏ធំបំផុតចំពោះ ប្រធានាធិបតីបារាំងម៉ាក្រុង និងមេដឹកនាំអឺរ៉ុប២៧ប្រទេសថាជា [មនុស្សល្ងង់]
ភ្នំពេញ៖ មហាជនដ៏ច្រើនផ្ទុះសំណើចជាខ្លាំងចំពោះភាពដ៏មហាល្ងង់ខ្លៅ របស់ជនក្បត់ជាតិ៣ជំនាន់ សម រង្ស៉ី ធ្វើនយោបាយជិតចូលរណ្តៅទៅវិញហើយ សូម្បីអាណត្តិការងាររបស់ប្រធានអាស៊ានក៏មិនដឹងដែរ ហើយការលើកឡើងថា [សម្តេចតេជោ ហ៊ុន សែន លួចប្រើតួនាទីជាប្រធានអាស៊ាន ដើម្បីឱ្យប្រធានាធិបតីបារាំង អេម៉ានុយអែល ម៉ាក្រុង ទទួលជាផ្លូវការ]សម្ដី នោះស្មើនឹងការប្រមាថដ៏ធ្ងន់ធ្ងរបំផុតចំពោះប្រធានាធិបតីប្រទេសបារាំងម៉ាក្រុង. និងបណ្ដាលមេដឹកនាំអឺរ៉ុបចំនួន២៧ប្រទេស ព្រមទាំងសភាអឺរ៉ុប. ស្នងការអឺរ៉ុប. ប្រធានក្រុមប្រឹក្សាអឺរ៉ុបថា មនុស្សល្ងង់មិនយល់ ហើយឲ្យសម្តេចតេជោបោកប្រាស់បាន។
ក្រៅពីសម្ដីការចោទប្រកាន់ដ៏ធំចំពោះមេដឹកនាំសហភាពអឺរ៉ុប. សំណេររបស់ជនក្បត់ជាតិ សម រង្ស៉ី ក៏បានប្រមាថដ៏ធ្ងន់ធ្ងរបំផុតលើមេដឹកនាំអាស៊ានទាំងអស់ ជាពិសេសលោកប្រធានាធិបតីឥណ្ឌូណេស៊ី [Joko Widodo ]ដែលនឹងធ្វើជាប្រធានអាស៊ាននៅឆ្នាំក្រោយ២០២៣បែបនេះថា ក៏ជាមនុស្សល្ងង់ខ្លៅផងដែរ ដែលអាចឲ្យសម្តេចតេជោបោកប្រាស់បាន។
ចំពោះជនក្បត់ជាតិតជំនាន់តាំងពីជីតា សម រង្ស៉ី បានសរសេរសារបែបល្ងីល្ងើពកថ្ងាស់លើហ្វេសប៊ុករបស់ខ្លួនថា [សម្តេចតេជោ ហ៊ុន សែន លួចប្រើតួនាទីជាប្រធានអាស៊ាន ដើម្បីឱ្យប្រធានាធិបតីបារាំង អេម៉ានុយអែល ម៉ាក្រុង ទទួលជាផ្លូវការ នៅថ្ងៃ១៣ ខែធ្នូ ឆ្នាំ២០២២។ តាមការពិត ប្រធានាធិបតីឥណ្ឌូនេស៊ី ចូកូ វីដូដូ ទេ ដែលជាប្រធានអាស៊ានបច្ចុប្បន្ន]។
យោងទៅតាមធម្មនុញ្ញរបស់សមាគមប្រជាជាតិអាស៊ាន បើទោះបីថាញញួរអាស៊ាន ត្រូវបានសម្តេចតេជោ ហ៊ុន សែន ប្រគល់ជូនទៅប្រធានាធិបតីឥណ្ឌូនេស៊ី កាលពីខែវិច្ឆិកាទៅហើយក្តី តែសុពលភាពក្នុងឋានៈជាប្រធានអាស៊ានរបស់សម្តេចតេជោ មិនទាន់អស់នៅឡើយទេ។ សម្តេចតេជោ ហ៊ុន សែន បន្តកាន់តំណែងប្រធានអាស៊ាននេះ រហូតដល់ដល់ដាច់ឆ្នាំ២០២២ ហើយប្រធានាធិបតីឥណ្ឌូនេស៊ី ត្រូវទទួលតំណែងប្រធានអាស៊ាន ចាប់ពីឆ្នាំ២០២៣ទៅ។
នៅពេលដែលឃើញសំណេរបែបនេះហើយក៏នាំឱ្យមហាជនទាំងអស់គ្រប់ស្រទាប់វណ្ណៈ អស់សំណើចហួសចិត្ត ចំពោះភាពល្ងង់ខ្លៅរបស់អ្នកនយោបាយចាញ់មិនដែលឈ្នះរូបនេះ។ បើទោះបីថា មិនដែលបានមានជោគវាសនាបានធ្វើប្រធានអាស៊ាន តែក្នុងនាមអ្នកនយោបាយមួយរូប គួរណាស់តែយល់ខ្លះពីកិច្ចការរបស់អាស៊ាន។
បើមើលទៅសំណេររបស់ជនក្បត់ជាតិបីជំនាន់រូបនេះ បានធ្វើឱ្យមហាជនមើលឃើញថា អ្នកនយោបាយជិតអស់អាយុសង្ខារូបនេះគឺពិតជាមហាល្ងង់ និងគ្មានចំណេះដឹងអ្វីបន្តិចសោះ៕
