សម្ភារៈប្រើប្រាស់ គ្រឿងចក្រ គោចិញ្ចឹម ជាអំណោយដ៏ថ្លៃថ្លារបស់មេទ័ពជើងគោក និងលោកជំទាវ ត្រូវបានប្រគល់ជូនតំបន់ប្រតិបត្តិការសឹករងតាកែវ
ភ្នំពេញ៖ នៅថ្ងៃទី៩ ខែធ្នូ ឆ្នាំ២០២២ តំបន់ប្រតិបត្តិការសឹករងតាកែវ បានទទួលអំណោយដ៏ថ្លៃថ្លារបស់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក និងលោកជំទាវ រួមមាន៖ គោយន្តកន្ត្រៃ ១គ្រឿង ទូកម៉ាស៊ីន ០៨គ្រឿង GPS ១៨គ្រឿង និងគោ ចំនួន ០៥ក្បាល ផ្តល់ជូនតំបន់់ប្រតិបត្តិការសឹករងតាកែវ តាមរយៈក្រុមការងារ ឯកឧត្តម មេបញ្ជាការ កងទ័ពជើងគោក ។
ជំនួសមុខឱ្យថ្នាក់ដឹកនាំ នាយទាហាន នាយទាហានរង និងពលទាហានទាំងអស់ លោកឧត្តមសេនីយ៍ត្រី នាង សុភារ៉ា មេបញ្ជាការ តំបន់ប្រតិបត្តិការសឹករងតាកែវ សូមគោរពថ្លែងអំណរគុណយ៉ាងជ្រាលជ្រៅជាទីបំផុតចំពោះ ឯកឧត្តម ឧត្ដមសេនីយ៍ឯក អគ្គមេបញ្ជាការរង មមេបញ្ជាការកងទ័ពជើងគោក និងលោកជំទាវ ដែលបានផ្ដល់អំណោយដ៏ថ្លៃថ្លា ជូនដល់អង្គភាព និងសូមប្តេជ្ញាខិតខំបំពេញភារកិច្ចយ៉ាងម៉ឺងម៉ាត់ ទទួលខុសត្រូវខ្ពស់ និងមានប្រសិទ្ធភាព៕
