អគ្គលេខាធិការ UN លោកចង់ឲ្យបង្កើនការសន្ទនារវាងរុស្ស៉ី និងអ៊ុយក្រែន ដើម្បីឈានដល់ការបញ្ចប់ជម្លោះដែលកើតមានឡើង

ភ្នំពេញ៖ ថ្លែងសន្និសីទសារព័ត៌មាន នាព្រឹកថ្ងៃទី១២ ខែវិច្ឆិកា ឆ្នាំ២០២២នេះ លោក អគ្គអាន់តូនីញ៉ូ ហ្គូទែរ៉េស [Antonio Guterres] អគ្គលេខាធិការអង្គការសហប្រជាជាតិ {UN} លោកចង់ឃើញមានការបង្កើតនូវនិតិវិធីផ្សេងៗ សម្រាប់ឲ្យមានការសន្ទានរវាងប្រទេសរុស្ស៉ី និងប្រទេសអ៊ុយក្រែន ដើម្បីរកផ្លូវបញ្ចប់បញ្ហាដែលអាចកើតមានឡើង និងឈានទៅរកសន្ដិភាពរវាងប្រទេសទាំងពីរ។

នាសន្និសីទសារព័ត៌មានក្រោយការចូលរួមកិច្ចប្រជុំកំពូលអាស៊ាន លើកទី៤០ និងទី៤១ និងកិច្ចប្រជុំកំពូលពាក់ព័ន្ធដែលប្រទេសកម្ពុជាធ្វើជាម្ចាស់ផ្ទះ លោកអគ្គ អាន់តូនីញ៉ូ ហ្គូទែរ៉េស បានសម្លឹងមើលឃើញទៀតថា អ្វីដែលបានកើតមានឡើងនៅប្រទេសអ៊ុយក្រែន គឺជាការបំពាននូវធម្មនុញ្ញបូរណភាពទឹកដីរបស់ប្រទេសគេមួយ។

លោកអគ្គលេខាធិការអង្គការសហប្រជាជាតិ បានថ្លែងបញ្ជាក់ដូច្នេះថា [រឿងដែលបានកើតឡើងនៅប្រទេសអ៊ុយក្រែន គឺជាការបំពានធម្មនុញ្ញបូរណភាពទឹកដីរបស់អ៊ុយក្រែន។ សារៈសំខាន់ក្នុងការបង្កើតនិតិវិធីសម្រាប់ការសន្ទនា ហើយចាប់ផ្តើមសម្លឹងមើលទៅរកអនាគតដើម្បីសន្តិភាពរួម]។ លោកក៏បានបន្ថែមទៀតថា ការងាររបស់អង្គការសហប្រជាជាតិចំពោះបញ្ហាដែលកើតឡើង គឺមានភាពច្បាស់លាស់ក្នុងការខំប្រឹងប្រែងជួយស្វែងរកដំណោះស្រាយដោយសន្តិវិធី។

សូមបញ្ជាក់ថា រឿងប៉ះទង្កិចគ្នារវាងរុស្ស៉ី និងអ៊ុយក្រែន វាបានចាប់ផ្ដើមតាំងនាខែកុម្ភៈ ឆ្នាំ២០២២មក ក្នុងបានបណ្ដាលឲ្យមនុស្សច្រើននាក់បានស្លាប់ និងរងរបួស ព្រមទាំងហេដ្ឋារចនាសម្ព័ន្ធមួយចំនួនត្រូវបានខូចខាត។។