ឯកឧត្តម ម៉ូត យូសុះ អញ្ជើញកាត់វិញ្ញាសារប្រឡង បញ្ចប់ថ្នាក់បឋមសិក្សាជូនសិស្សានុសិស្ស ខ្មែរឥស្លាមទូទាំងស្រុកតំបែរ
ភ្នំពេញ៖ ឯកឧត្តម ម៉ូត យូសុះ សមាជិកគណៈកម្មការទី១ នៃរដ្ឋសភា តំណាងរាស្ត្រមណ្ឌលខេត្តត្បូងឃ្មុំ និងជាអ៊ីម៉ាំខេត្តត្បូងឃ្មុំ រួមដំណើរដោយ ឯកឧត្តម សុះ រ៉ហ្វាត សមាជិកក្រុមប្រឹក្សាខេត្តត្បូងឃ្មុំ នាថ្ងៃទី២០ ខែតុលា ឆ្នាំ២០២២ បានអញ្ជើញជាអធិបតីក្នុងពិធីកាត់វិញ្ញាសារប្រឡងបញ្ចប់ថ្នាក់បឋមសិក្សាជូនសិស្សានុសិស្សខ្មែរឥស្លាមទូទាំងស្រុកតំបែរ ខេត្តត្បូងឃ្មុំ។
សូមបញ្ជាក់ថា ការប្រឡងនេះត្រូវបានរៀបចំឡើងដោយគណៈអ៉ីម៊ាំស្រុក និងនាយកគ្រូបង្រៀនខ្មែរឥស្លាមស្រុកតំបែរ នៅទីស្នាក់ការគណៈអ៉ីម៊ាំស្រុកតំបែរ ស្ថិតក្នុងឃុំសេដា ស្រុកតំបែរ ខេត្តត្បូងឃ្មុំ ដែលមានសិស្សានុសិស្សជាបេក្ខជនចូលរួមប្រឡងទាំងអស់ចំនួន ១៦០នាក់ មកពីតាមសាលានានាទូទាំងស្រុកតំបែរ។
ក្នុងឱកាសនោះ ឯកឧត្តម ម៉ូត យូសុះ បានឧបត្ថម្ភថវិកាមួយចំនួនជូនគណៈកម្មការរៀបចំការប្រឡង ដើម្បីទុកចំណាយផ្សេងៗក្នុងដំណើរការប្រឡង។
តមកនាព្រឹកថ្ងៃដដែល ឯកឧត្តម ម៉ូត យូសុះ និងឯកឧត្តម សមាជិកក្រុមប្រឹក្សាខេត្តត្បូងឃ្មុំ ព្រមទាំងសហការី បានអញ្ជើញចូលរួមរំលែកទុក្ខជាមួយគ្រួសារសពបងប្អូនខ្មែរឥស្លាមមួយគ្រួសារ ស្ថិតនៅក្នុងភូមិគីឡូ១៦ ស្រុកតំបែរផងដែរ ៕
