នាយឧត្តសេនីយ៍ កិត្តិបណ្ឌិត ហ៊ីង ប៊ុនហៀង និងលោកជំទាវ ដង្ហែរអង្គកឋិនទានទៅកាន់វត្តតុំ ក្នុងក្រុងដូនកែវ ខេត្តតាកែវ

ភ្នំពេញ៖ នៅថ្ងៃអង្គារ ទី១១ ខែតុលា ឆ្នាំ២០២២ ឯកឧត្តម នាយឧត្តមសេនីយ៍ កិត្តិបណ្ឌិត ហ៊ុង ប៊ុនហៀង អគ្គមេបញ្ជាការរងកងយុទ្ធពលខេមរភូមិន្ទ នាយករងខុទ្ទកាល័យសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាមេបញ្ជាការ បញ្ជាការដ្ឋានអង្គរក្ស និងលោកជំទាវ ប៉ែន ចន្នី រួមជាមួយ ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ ព្រមទាំង ឯកឧត្តម លោកជំទាវប្រតិភូអមដំណើរ និង ពុទ្ធបរិស័ទ្ធជិតឆ្ងាយចំណុះជើងវត្ត បាននិមន្ត អញ្ជើញដង្ហែអង្គកឋិនទាន មកវេរថ្វាយព្រះសង្ឃ ក្នុងទីអារាមវត្តតុំ ក្រុងដូនកែវ ខេត្តតាកែវ។

ឆ្លៀតក្នុងឱកាសនោះដែរ ឯកឧត្តម កិត្តិបណ្ឌិត ហ៊ីង ប៊ុនហៀង បានពាំនាំបណ្ដាំសាកសួរសុខទុក្ខ ពីសំណាកសម្ដេចតេជោ ហ៊ុន សែន និងសម្ដេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន ដែលជានិច្ចកាល តែងតែគិតគូរសុខទុក្ខបងប្អូនប្រជាពលរដ្ឋ គ្រប់ពេលវេលាគ្រប់ទីកន្លែង ជាពិសេសតែងតែឲ្យក្រុមការងារ នៅមូលដ្ឋានចុះជួបបងប្អូនជាប្រចាំ និងបានដឹងសុខទុក្ខបងប្អូនគ្រប់ពេលវេលា ។

ឯកឧត្តម កិត្តិបណ្ឌិត ហ៊ីង ប៊ុនហៀង មានប្រសាសន៍ថា បងប្អូនប្រជាពលរដ្ឋ អាចនាំគ្នាមកធ្វើបុណ្យ បំពេញកុសល បានដូចថ្ងៃនេះ ដោយសារតែប្រទេសជាតិ មានសុខសន្តិភាព និងការអភិវឌ្ឍន៍ គ្រប់វិស័យ ក្រោមការដឹកនាំ របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះជាណាចក្រកម្ពុជា ក្នុងនោះវិស័យព្រះពុទ្ធសានា ក៏បានរីកចម្រើន និងបានផ្តល់ឲ្យបងប្អូនប្រជាពលរដ្ឋយើង អាចចូលរួម កសាងសមិទ្ធផលនានា ជាមួយប្រមុខរាជរដ្ឋាភិបាលកម្ពុជា ទុកឲ្យកូនចៅ ជំនន់ក្រោយ បានគោរពប្រតិបត្តិ ។

ជាចុងក្រោយ ឯកឧត្តម កិត្តិបណ្ឌិត ហ៊ីង ប៊ុនហៀង សូមក៏ធ្វើការផ្តាំផ្ញើរទូលប្រគេនទៅដល់ព្រះសង្ឃគ្រប់អង្គ មន្ត្រីរាជការ និងបងប្អូនប្រជាពលរដ្ឋទាំងអស់ ដែលបានអញ្ជើញចូលរួមក្នុងពិធីដង្ហែអង្គកឋិនទានថ្ងៃនេះ សូមចូលរួមការពារឲ្យបានជាដាច់ខាតទោះក្នុងតំលៃណាក៏ដោយ នូវគុណតំលៃនៃសន្តិភាព ដែលបានមកពីរការខិតខំរបស់សម្តេចតេជោ នាយករដ្ឋមន្ត្រីនៃកម្ពុជារបស់យើង ដែលបានលះបង់ពេលវេលា ក្តីសុខផ្ទាល់ខ្លួន សាច់ស្រស់ ឈាមស្រស់ដើម្បីប្រជាជនរស់នៅបានសុខរហូតមកដល់សព្វថ្ងៃនេះ៕