ភ្នំពេញ៖ លោក ស្រេង សុផល អភិបាលក្រុងសិរីសោភ័ណ រួមនឹងកងកម្លាំងទាំង៣ប្រភេទ មន្ទីរជំនាញ បន្តចុះអន្តរាគមន៍លើកទំនុប ទប់ទឹកជំនន់ ជន់លិចចូលបរិវេណសាលវិទ្យាល័យ ជាតិ មានជ័យ ស្ថិតនៅភូមិ បាណយ សង្កាត់ ទឹក ថ្លា ក្រុង សិរីសោភ័ណ ខណៈ ទឹកស្ទឹងសិរីសោភ័ណបន្តហក់ឡើង គឹតត្រឹមថ្ងៃទី៧ ខែតុលា ឆ្នាំ២០២២នេះ។
លោក ស្រេង សុផល អភិបាលក្រុងសិរីសោភ័ណ បានបញ្ជាក់ឲ្យដឹងថា ៖ ទឹកស្ទឹងបានបន្តហក់ឡើង ជាមួយគ្នានោះ អាជ្ញាធរ ក្រុង ក៏បានជម្លៀសពលរដ្ឋទៅទីទួលសុវត្ថិភាព ដែលក្រុមការងារបានរៀបចំជូនផងដែរ។ ជាមួយគ្នានោះ លោក អភិបាល ក្រុង ក៏បានជំរុញណែនាំដល់កងកម្លាំង និងអាជ្ញាធរ មូលដ្ឋាន ត្រូវត្រៀមកងកម្លាំងប្រចាំការ អាជ្ញាធរ ត្រូវតាមដានស្ថានភាពទឹក ឲ្យបានជាប់ប្រចាំ។
មួយវិញទៀតលោក ស្រេង សុផល ក៏បានណែនាំដល់ពលរដ្ឋ ត្រូវចូលថែរក្សាសុខភាព មានអនា ម័យក្នុង ការរស់នៅ តាមរយៈ ការហូបស្អាត ផឹកស្អាត និងរស់នៅស្អាត ពិសេសត្រូវប្រុងប្រយ័ត្នចំពោះកូនចៅតូចៗ កុំឱ្យបណ្តែតបណ្តោយលេងទឹកក្រែងកេីតមានករណីជាយថាហេតុណាមួយកើតមានឡើង ជាពិសេស ប្រុងប្រយ័ត្ន ចំពោះសត្វអសិរពិសតិច ឬខាំជាដើម។
យោងតាមរបាយការណ៍របស់រដ្ឋបាលក្រុងសិរីសោភ័ណ គិតត្រឹមល្ងាចថ្ងៃទី៦ ខែតុលា ម្សិលមិញ បានឲ្យដឹងថា៖ សង្កាត់ ទាំង៧កំពុងរងដោយទឹកជំនន់ មានចំនួន១,៣៣៦គ្រួសារ ជម្លៀសទៅទីទួលសុវត្ថិភាព ២៣៩គ្រួសារ ក្នុងនោះលង់ទឹកស្លាប់០១នាក់, ប៉ះពាល់ ដំណាំស្រូវ ១,៧០៨ហិកតា សាលារៀន៦កន្លែង, ប៉ះពាល់ប្រវែង ៤៩,៣៨៥ម៉ែត្រ៕
