ឯកឧត្ដម ហង់ជួន ណារ៉ុន ដឹកនាំគណៈប្រតិភូក្រសួងអប់រំចូលរួមគោរពវិញ្ញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៍ ញឹម តេង

ភ្នំពេញ៖ ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា នាថ្ងៃទី៦ កញ្ញា បានដឹកនាំគណៈប្រតិភូ ចូលរួមគោរពវិញ្ញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៍ ញឹម តេង ដែលត្រូវជាម្ដាយក្មេក លោកជំទាវ កិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច។

ក្នុងឱកាសដ៏សែនក្រៀមក្រំនេះ តាងនាមថ្នាក់ដឹកនាំ និងបុគ្គលិកអប់រំនៃក្រសួងអប់រំ យុវជន និងកីឡា គ្រប់រូប សូមចូលរួមរំលែកទុក្ខ ដោយសេចក្ដីសោកសង្រេង ព្រមទាំងសោកស្ដាយ អាឡោះអាល័យជាទីបំផុត ជាមួយក្រុមគ្រួសារនៃសព ដែលបានបាត់បង់អ្នកម្ដាយ ជីដូន ជាទីគោរពស្រឡាញ់ ប្រកបដោយព្រហ្មវិហារធម៌សព្វគ្រប់បែបយ៉ាងចំពោះកូនចៅ និងក្រុមគ្រួសារ៕

ថ្នាក់ដឹកនាំ មន្ដ្រីរាជការ នៃក្រសួងអប់រំ យុវជន និងកីឡា សូមលំឱនកាយឧទ្ទិសបួងសួងដល់វិញ្ញាក្ខន្ធ ព្រឹទ្ធមហាឧបាសិកា ញឹម តេង សូមបានចាប់បដិសន្ធិក្នុងសុគតិភពគ្រប់ៗជាតិកុំបីឃ្លៀងឃ្លាតឡើយ។