វរសេនីយ៍ទោ ឈាង សុវណ្ណរតនា អញ្ជើញចុះសួរសុខទុក្ខកងទ័ព និងគ្រួសារកងទ័ពចំណុះកងពលតូចថ្មើរជើងលេខ៥២
ភ្នំពេញ៖ លោកវរសេនីយ៍ទោ ឈាង សុវណ្ណរតនា មេបញ្ជាការរង កងអន្ដរាគមន៍ទ័ពពិសេស២៤៦ នៃបញ្ជាការដ្ឋានអង្គរក្ស តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍កត្តិបណ្ឌិត ហ៊ីង ប៊ុនហៀង អគ្គមេបញ្ជាការរង-មេបញ្ជាការ បញ្ជាការដ្ឋានអង្គរក្ស នាថ្ងៃទី២៥ ខែសីហា ឆ្នាំ២០២២នេះ បានអញ្ជើញចុះសំណេះសំណាល សាកសួរសុខទុក្ខ ដល់កងទ័ព និងគ្រួសារកងទ័ពចំណុះ កងពលតូចថ្មើរជើងលេខ៥២ និងបាននាំយកអំណោយចែកជូនដល់កងទ័ព និងគ្រួសារកងទ័ពចំនួន ១០០គ្រួសារ ក្នុងនោះអំណោយផ្ដល់ជូនរួមមាន៖ ឯកសណ្ឋាន អំពូភ្លើងសូឡា តង់ អង្ករ សារ៉ុង ក្រម៉ា ព្រមទាំងថវិកាមួយចំនួន ផ្ដល់ជូនកងទ័ព និងគ្រួសារកងទ័ព និងបន្តចុះត្រួតពិនិត្យចំណុចបង្អែកឈរជើង៣៩១ របស់កងពលតូចថ្មើរជើងលេខ៥២ ក្នុងភូមិសាស្រ្តទិសសំឡូតផងដែរ ។
លោកវរសេនីយ៍ទោ ឈាង សុវណ្ណរតនា មេបញ្ជាការរង បានសម្ដែងនូវក្ដីរំភើបរីករាយ និងបានថ្លែងអំណរគុណយ៉ាងជ្រាលជ្រៅចំពោះការស្វាគមន៍យ៉ាងកក់ក្ដៅពីសំណាក់ លោកមេបញ្ជាការ មេបញ្ជាការរង នាយ-ពលទាហាន ព្រមទាំងគ្រួសារកងទ័ពចំណុះកងពលតូចថ្មើរជើងលេខ៥២នាឱកាសនេះ។
លោកមេបញ្ជាការរង ក៏បានពាំនាំនូវការផ្ដាំផ្ញើរសួរសុខទុក្ខពីសំណាក់ សម្ដេចអគ្គមហាសេនាបតីតេជោ សម្ដេចគតិព្រឹទ្ធបណ្ឌិត និងថ្នាក់ដឹកនាំគ្រប់លំដាប់ថ្នាក់ ដែលជានិច្ចកាលលោកតែងតែគិតគូរ ពីសុខទុក្ខ ជីវភាពរស់នៅ និងជួយឧបត្ថម្ភគាំទ្រ សម្ភារៈ ថវិកា ផ្ដល់ជូនកងទ័ព និងគ្រួសារកងទ័ព គ្រប់ទីកន្លែង គ្រប់កាលៈទេសៈ និងគ្រប់ពេលវេលា ។
ក្នុងនាមមេបញ្ជាការ មេបញ្ជាការរង ព្រមទាំងនាយ-ពលទាហានទាំងអស់
សូមគោរពថ្លែងអំណរគុណយ៉ាងជ្រាលជ្រៅ ចំពោះលោកវរសេនីយ៍ទោ ឈាង សុវណ្ណរតនា មេបញ្ជាការ កងអន្ដរាគមន៍ទ័ពពិសេស២៤៦ នៃបញ្ជាការដ្ឋានអង្គរក្ស ដែលបានចំណាយពេលវេលាដ៏មានតម្លៃ ព្រមទាំងថវិកា ឈ្លាតឱកាសអញ្ជើញចុះសួរសុខទុក្ខដល់កងទ័ព និងគ្រួសារកងទ័ព នៃកងពលតូចថ្មើរជើងលេខ៥២ ដែលនេះសបញ្ជាក់ឱ្យឃើញពីការយកចិត្តទុកដាក់ គិតគូរពីសុខទុក្ខ និងជីវភាពរស់នៅរបស់កងកម្លាំងនៃកងយោធពលខេមរភូមិន្ទ ៕
