បាល់ទាត់៖ ខ្សែប្រយុទ្ធ Robert Lewandowski របស់ក្លឹប FC Barcelona បានសរសើរក្រុម ហើយ បាន អោយដឹងថាគាត់មានមោទនភាពបន្ទាប់ពីជ័យជម្នះដ៏ធំ ៤-១លើក្រុម Real Sociedad នៅលើផ្លូវក្នុង ក្របខ័ណ្ឌ La Liga របស់អេស្ប៉ាញកាលពីថ្ងៃអាទិត្យ។
ខ្សែប្រយុទ្ធLewandowski ត្រូវបានជ្រើសរើសជា MVP នៃការប្រកួតនេះ បន្ទាប់ពីគាត់បានដឹកនាំក្រុម Catalans ទទួលជ័យជម្នះជាមួយនឹងគ្រាប់បាល់ពីរគ្រាប់ និងជំនួយមួយ។
ខ្សែប្រយុទ្ធរូបនេះបានលើកឡើងដូច្នេះ ថា “ខ្ញុំមានអារម្មណ៍ថាស្រលាញ់ Barcelona តាំងពីថ្ងៃដំបូង។ វាជាអារម្មណ៍ពិសេសមួយសម្រាប់ខ្ញុំ។ ប្រាកដណាស់ថាខ្ញុំពិតជាសប្បាយចិត្ត និងមានមោទនភាពនៅពេល ដែលយើងឈ្នះ ខណៈដែលខ្ញុំបានស៊ុតបញ្ចូលទីគ្រាប់ដំបូងរបស់ខ្ញុំនៅ La Liga” ។
គាត់ បាន បន្ថែម ថា ៖ « ក្នុង តង់ ទី មួយ យើង លេង មិន បាន ល្អ ទេ ប៉ុន្តែ យើង បាន បង្វែរ ល្បឿន បន្ទាប់ ពី សម្រាក ។ ខ្ញុំ បាន ឃើញ ការ រីក ចម្រើន ក្នុង ទម្រង់ លេង របស់ ក្រុម»។
កីឡាករវ័យ ៣៤ឆ្នាំដែលបានប្រារព្ធខួបកំណើតរបស់គាត់កាលពីល្ងាចថ្ងៃអាទិត្យ ត្រូវការពេលត្រឹមតែ៤៤ វិនាទី ដើម្បី ស្វែង រកគ្រាប់បាល់ដំបូងរបស់គាត់នៅ La Liga ។
“បន្ទាប់ពីការប្រកួតពីរលើក វាពិបាកក្នុងការនិយាយថាវាពិបាកនៅទីនេះនៅ La Liga ជាងនៅ Bundesliga របស់អាឡឺម៉ង់។ ទាំងអស់គឺអាស្រ័យលើកីឡាករ។ យើងត្រូវបង្កើតឱកាសជាច្រើន។ ខ្ញុំជឿថាពេលវេលាដំណើរ ការសម្រាប់យើង យើងនឹងកាន់តែប្រសើរឡើងពីមួយសប្តាហ៍ទៅមួយសប្តាហ៍”។ អតីតខ្សែប្រយុទ្ធ Bayern Munich ។
លោក Xavi Hernandez គ្រូ បង្វឹក ក្រុម FC Barcelona រីករាយ នឹង ទម្រង់ លេង របស់ Lewandowski។
គ្រូ បង្វឹក រូប នេះ បាន បន្ត ថា ៖ « អ្នក រាល់ គ្នា បាន ឃើញ ថា គាត់ អាច បង្កើត ភាព ខុស គ្នា ។ គាត់ ជា គំរូ សម្រាប់ ក្រុម ដោយ សារ តែ ការ លះបង់ ដែល គាត់ បាន ធ្វើ។ គាត់ ជា កីឡាករ សម្រាប់ បច្ចុប្បន្ន និង អនាគត ។
