ភ្នំពេញ៖ ប្រទសនូវែលសេឡង់ រំពឹងថា ការចរចាភ្ជាប់កិច្ចព្រមព្រៀងពាណិជ្ជកម្មសេរី អាស៊ាន នូវែលសេឡង់ សម្រេចឱ្យបាននៅក្នុងខែវិច្ឆិកាចុងឆ្នាំ២០២២នេះ ដើម្បីជំរុញការដោះដូរពាណិជ្ជកម្ម និងកំណើនសេដ្ឋកិច្ចឱ្យកាន់តែល្អ។
ឯកឧត្តមបណ្ឌិត គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិកម្ពុជា និងជាអ្នកនាំពាក្យកិច្ចប្រជុំរដ្ឋមន្រ្តីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ នាព្រឹកថ្ងៃទី៥ ខែសីហា ឆ្នាំ២០២២នេះ បានឱ្យដឹងថា កិច្ចប្រជុំរដ្ឋមន្ត្រីការបរទេសអាស៊ាន នូវែលសេឡង់ បានពិភាក្សាគំនិតផ្ដួចផ្ដើមផ្សេងៗជាច្រើន ដែលនូវែលសេឡង់នឹងបន្តលើកឡើងនូវកម្មវិធី ពង្រឹងសមត្ថភាពដោយផ្ទាល់ដល់ប្រទេសអាស៊ាន ។
ក្នុងឱកាសនោះ កិច្ចប្រជុំបានបង្ហាញពីការតាំងចិត្តខ្ពស់ ក្នុងការពង្រឹងយន្តការអាស៊ាន ដូចជាកិច្ចប្រជុំកំពូលអាស៊ីបូព៌ា វេទិកាតំបន់អាស៊ាន កិច្ចប្រជុំរដ្ឋមន្ត្រីការពារជាតិបូក និងគោរពមិត្តភាពអាស៊ានជាដើម ។
ឯកឧត្តមបញ្ជាក់ថា កិច្ចប្រជុំក៏បានបញ្ជាក់អំពីការអនុវត្តន៍កិច្ចព្រមព្រៀងសេវាកម្មអាកាសចរណ៍ ដើម្បីសម្រួលទៅដល់ការធ្វើដំណើររវាងប្រជាជននៅក្នុងតំបន់អាស៊ាន និងប្រជាជននូវែលសេឡង់ផងដែរ ហើយក៏កំពុងតែដំណើរការប្រព័ន្ធបណ្តុះបណ្តាលពហុជាតិដែលមានភាពធន់ ខ្សែចង្វាក់ផ្គត់ផ្គង់ដែលមានភាពធន់នឹងមានសេរីភាព ក៏ដូចជាទីផ្សារបើកចំហនិងសេរី ព្រមទាំងការប្រែប្រួលអាកាសធាតុ និងគោលដៅអភិវឌ្ឍន៍ប្រកបដោយនិរន្តរភាពឆ្នាំ២០៣០ ។
សូមបញ្ជាក់ថា ចាប់តាំងពីប្រទេសនូវែលសេឡង់បានក្លាយជាដៃគូសន្ទនារបស់អាស៊ានក្នុងឆ្នាំ ១៩៧៥ ទំនាក់ទំនងសន្ទនាអាស៊ាននូវែលសេឡង់បានវិវត្តទៅជាកិច្ចសហប្រតិបត្តិការយ៉ាងទូលំទូលាយលើសសរស្តម្ភសហគមន៍អាស៊ានទាំងបី។ ភាពជាដៃគូរវាងអាស៊ាន និងនូវែលសេឡង់បានឈានដល់ដំណាក់កាលសំខាន់មួយនៅក្នុងកិច្ចប្រជុំកំពូលរំលឹកខួបអនុស្សាវរីយ៍អាស៊ាន-នូវែលសេឡង់ លើកទី ៤០ ដែលធ្វើឡើងនៅថ្ងៃទី២២ ខែវិច្ឆិកា ឆ្នាំ ២០១៥ នៅទីក្រុងគូឡាឡាំពួរ ប្រទេសម៉ាឡេស៊ី ក្នុងអំឡុងពេលនោះ មេដឹកនាំនៃកិច្ចប្រជុំបានប្រកាសពីការលើកកម្ពស់ទំនាក់ទំនងកិច្ចសន្ទនាអាស៊ាន-នូវែលសេឡង់ដល់កម្រិតយុទ្ធសាស្ត្រតាមរយៈ សេចក្តីថ្លែងការណ៍រួមរបស់មេដឹកនាំអាស៊ាន-នូវែលសេឡង់ ក្នុងឱកាសខួបលើកទី៤០ នៃទំនាក់ទំនងកិច្ចសន្ទនាអាស៊ាន-នូវែលសេឡង់៖ ការជំរុញភាពជាដៃគូយុទ្ធសាស្ត្ររបស់យើងឆ្ពោះទៅរកផលប្រយោជន៍ និងវិបុលភាពទៅវិញទៅមកកាន់តែច្រើន ។
ប្រទសនូវែលសេឡង់ រំពឹងថា ការចរចាភ្ជាប់កិច្ចព្រមព្រៀងពាណិជ្ជកម្មសេរី អាស៊ាន នូវែលសេឡង់ សម្រេចឱ្យបាននៅក្នុងខែវិច្ឆិកាចុងឆ្នាំ២០២២នេះ ដើម្បីជំរុញការដោះដូរពាណិជ្ជកម្ម និងកំណើនសេដ្ឋកិច្ចឱ្យកាន់តែល្អ។
ឯកឧត្តមបណ្ឌិត គង់ ភោគ រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិកម្ពុជា និងជាអ្នកនាំពាក្យកិច្ចប្រជុំរដ្ឋមន្រ្តីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ បានឱ្យដឹងថា កិច្ចប្រជុំរដ្ឋមន្ត្រីការបរទេសអាស៊ាន នូវែលសេឡង់ បានពិភាក្សាគំនិតផ្ដួចផ្ដើមផ្សេងៗជាច្រើន ដែលនូវែលសេឡង់នឹងបន្តលើកឡើងនូវកម្មវិធី ពង្រឹងសមត្ថភាពដោយផ្ទាល់ដល់ប្រទេសអាស៊ាន ។
ក្នុងឱកាសនោះ កិច្ចប្រជុំបានបង្ហាញពីការតាំងចិត្តខ្ពស់ ក្នុងការពង្រឹងយន្តការអាស៊ាន ដូចជាកិច្ចប្រជុំកំពូលអាស៊ីបូព៌ា វេទិកាតំបន់អាស៊ាន កិច្ចប្រជុំរដ្ឋមន្ត្រីការពារជាតិបូក និងគោរពមិត្តភាពអាស៊ានជាដើម ។
ឯកឧត្តមបញ្ជាក់ថា កិច្ចប្រជុំក៏បានបញ្ជាក់អំពីការអនុវត្តន៍កិច្ចព្រមព្រៀងសេវាកម្មអាកាសចរណ៍ ដើម្បីសម្រួលទៅដល់ការធ្វើដំណើររវាងប្រជាជននៅក្នុងតំបន់អាស៊ាន និងប្រជាជននូវែលសេឡង់ផងដែរ ហើយក៏កំពុងតែដំណើរការប្រព័ន្ធបណ្តុះបណ្តាលពហុជាតិដែលមានភាពធន់ ខ្សែចង្វាក់ផ្គត់ផ្គង់ដែលមានភាពធន់នឹងមានសេរីភាព ក៏ដូចជាទីផ្សារបើកចំហនិងសេរី ព្រមទាំងការប្រែប្រួលអាកាសធាតុ និងគោលដៅអភិវឌ្ឍន៍ប្រកបដោយនិរន្តរភាពឆ្នាំ២០៣០ ។
សូមបញ្ជាក់ថា ចាប់តាំងពីប្រទេសនូវែលសេឡង់បានក្លាយជាដៃគូសន្ទនារបស់អាស៊ានក្នុងឆ្នាំ ១៩៧៥ ទំនាក់ទំនងសន្ទនាអាស៊ាននូវែលសេឡង់បានវិវត្តទៅជាកិច្ចសហប្រតិបត្តិការយ៉ាងទូលំទូលាយលើសសរស្តម្ភសហគមន៍អាស៊ានទាំងបី។ ភាពជាដៃគូរវាងអាស៊ាន និងនូវែលសេឡង់បានឈានដល់ដំណាក់កាលសំខាន់មួយនៅក្នុងកិច្ចប្រជុំកំពូលរំលឹកខួបអនុស្សាវរីយ៍អាស៊ាន-នូវែលសេឡង់ លើកទី ៤០ ដែលធ្វើឡើងនៅថ្ងៃទី២២ ខែវិច្ឆិកា ឆ្នាំ ២០១៥ នៅទីក្រុងគូឡាឡាំពួរ ប្រទេសម៉ាឡេស៊ី ក្នុងអំឡុងពេលនោះ មេដឹកនាំនៃកិច្ចប្រជុំបានប្រកាសពីការលើកកម្ពស់ទំនាក់ទំនងកិច្ចសន្ទនាអាស៊ាន-នូវែលសេឡង់ដល់កម្រិតយុទ្ធសាស្ត្រតាមរយៈ សេចក្តីថ្លែងការណ៍រួមរបស់មេដឹកនាំអាស៊ាន-នូវែលសេឡង់ ក្នុងឱកាសខួបលើកទី៤០ នៃទំនាក់ទំនងកិច្ចសន្ទនាអាស៊ាន-នូវែលសេឡង់៖ ការជំរុញភាពជាដៃគូយុទ្ធសាស្ត្ររបស់យើងឆ្ពោះទៅរកផលប្រយោជន៍ និងវិបុលភាពទៅវិញទៅមកកាន់តែច្រើន៕
