ឯកឧត្តម ឆែម សាវុធ ដឹកនាំកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារបន្ត របស់អគ្គនាយកដ្ឋានពន្ធនាគារ

ភ្នំពេញ៖ នៅថ្ងៃទី២៩ ខែសីហា ឆ្នាំ២០២៤ ឯកឧត្តម ឆែម សាវុធ រដ្ឋលេខាធិការ ក្រសួងមហាផ្ទៃ ទទួលការងារអគ្គនាយកដ្ឋានពន្ធនាគារ បានអញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែសីហា និងលើកទិសដៅការងារសម្រាប់ខែបន្ទាប់ របស់អគ្គនាយកដ្ឋានពន្ធនាគារ។

ឯកឧត្តម ឈន សាណាត អគ្គនាយក នៃអគ្គនាយកពន្ធនាគារ បានធ្វើសេចក្តីរាយការណ៍សង្ខេបអំពី៖ សកម្មភាពថ្នាក់ដឹកនាំ ស្ថានភាពជនជាប់ឃុំ និងការអនុវត្តនីតិវិធី ការងារសន្តិសុខពន្ធនាគារ ការងារអប់រំកែប្រែ/ស្តារនីតិសម្បទា ការងារបណ្តុះបណ្តាលវិជ្ជាជីវៈ/មុខរបរ ការងារសុខភាពពន្ធនាគារ ការងារសំណង់ពន្ធនាគារ និងកិច្ចការរដ្ឋបាល។ អគ្គនាយកដ្ឋានពន្ធនាគារ និងបន្តជំរុញដល់បណ្តានាយកដ្ឋាន មណ្ឌលអប់រំកែប្រែ និងពន្ធនាគាររាជធានី/ខេត្តឱ្យអនុវត្តការងារសេសសល់ រួមទាំងការងារថ្មីៗសម្រាប់អនុវត្តតាមរយៈផែនការសកម្មភាពប្រចាំឆ្នាំ។

ឯកឧត្តមរដ្ឋលេខាធិការ បានមានប្រសាសន៍ថា កំណើនជនជាប់ឃុំ គឺជារឿងមួយដែលកង្វល់ខ្លាំង ហើយយើងត្រូវយកចិត្តទុកដាក់ខ្ពស់ ក្នុងការស្វែងរកវិធីសាស្រ្តមកធ្វើការដោះស្រាយលើបញ្ហាកំណើនជនជាប់ឃុំនេះ។

នាឱកាសនោះឯកឧត្តមរដ្ឋលេខាធិការ ក៏បានផ្តល់អនុសាសន៍មួយចំនួន៖
-បន្តជំរុញលើការងារធ្វើអនុក្រឹត្យសោធននិវត្តន៍
-ពិនិត្យលើកិច្ចការងារប្រលងប្រណាំងរបស់ជនជាប់ឃុំ
-អំឡុងពេលកំណើនជនជាប់ឃុំមានការកើនឡើង ត្រូវធ្វើការពង្រឹងការងារសន្តិសុខតាមបណ្តារមណ្ឌលអប់រំកែប្រែ និងពន្ធនាគាររាជធានី-ខេត្ត ៕