ក្រសួងព័ត៌មាន ចេញសេចក្តីជូនដំណឹងស្តីពី ការចែកជូនកូនសៀវភៅ “ធម្មនុញ្ញវិជ្ជាជីវៈសារព័ត៌មាន”

ភ្នំពេញ៖ ក្រសួងព័ត៌មាន សូមជម្រាបជូន អ្នកសារព័ត៌មាន អង្គភាពសារព័ត៌មាន សមាគម សារព័ត៌មាន និងអ្នកប្រកបអាជីពក្នុងវិស័យព័ត៌មាននិងសោតទស្សន៍ទាំងអស់ជ្រាបថា ក្រសួងនឹងធ្វើការ ចែកជូនកូនសៀវភៅ “ធម្មនុញ្ញវិជ្ជាជីវៈសារព័ត៌មាន” ដោយឥតគិតថ្លៃ ចាប់ពីថ្ងៃជូនដំណឹងនេះតទៅ។

អ្នកសារព័ត៌មាន អង្គភាពសារព័ត៌មាន សមាគមសារព័ត៌មាន និងអ្នកប្រកបអាជីពក្នុងវិស័យព័ត៌មាន និងសោតទស្សន៍ ដែលមានចំណាប់អារម្មណ៍ស្នើសុំកូនសៀវភៅ “ធម្មនុញ្ញវិជ្ជាជីវៈសារព័ត៌មាន” សូមធ្វើ ការស្កេន QR Code ខាងក្រោម ដើម្បីចុះឈ្មោះ ដោយត្រូវបំពេញព័ត៌មានមួយចំនួនដូចមានក្នុងបែបបទ។ រាល់ការស្នើសុំនឹងត្រូវធ្វើការកត់ត្រាទុកដោយក្រុមការងារ សម្រាប់ការផ្តល់ជូនព័ត៌មានពីកាលបរិច្ឆេទ និង ទីកន្លែងដែលត្រូវមកទទួលកូនសៀវភៅនេះ។

សម្គាល់៖ សម្រាប់សមាគមអ្នកសារព័ត៌មាន ដែលមានបំណងទទួលបានកូនសៀវភៅនេះ សូម មេត្តាទាក់ទងដោយផ្ទាល់ជាមួយ ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន។

អាស្រ័យហេតុនេះ សូម អ្នកសារព័ត៌មាន អង្គភាពសារព័ត៌មាន សមាគមសារព័ត៌មាន និងអ្នកប្រកប អាជីពក្នុងវិស័យព័ត៌មាននិងសោតទស្សន៍ទាំងអស់ ជ្រាបតាមការគួរ៕