រោងចក្រ និងធនាគាររបស់បង់ក្លាដែសបានបើកដំណើរការឡើងវិញ ខណៈដែលបម្រាមគោចរត្រូវបានបន្ធូរបន្ថយ បន្ទាប់ពីមានការតវ៉ា

ដាកា៖ ចរាចរណ៍ពេញម៉ោងបានវិលត្រលប់មកតាមដងផ្លូវនៃរដ្ឋធានី Dhaka ប្រទេសបង់ក្លាដែសកាលពីថ្ងៃពុធ ខណៈដែលបម្រាមគោចរត្រូវបានបន្ធូរបន្ថយបន្ទាប់ពីការបិទទូទាំងប្រទេសរយៈពេល៤ថ្ងៃដែលបន្ទាប់ពីការតវ៉ាដ៏សាហាវដែលដឹកនាំដោយនិស្សិតសាកលវិទ្យាល័យប្រឆាំងនឹងកូតាក្នុងការងាររបស់រដ្ឋាភិបាល។

ការិយាល័យបានបើកឡើងវិញ ហើយអ៊ិនធឺណិត broadband ត្រូវបានស្តារឡើងវិញយ៉ាងទូលំទូលាយ ទោះបីជាប្រព័ន្ធផ្សព្វផ្សាយសង្គមបន្តត្រូវបានផ្អាកក៏ដោយ តែប៉ុន្មានថ្ងៃបន្ទាប់ពីការប៉ះទង្គិចគ្នារវាងក្រុមបាតុករ និងកងកម្លាំងសន្តិសុខបានសម្លាប់មនុស្សជិត១៥០នាក់។

ប្រទេសនេះមានភាពស្ងប់ស្ងាត់តាំងពីថ្ងៃអាទិត្យ នៅពេលដែលតុលាការកំពូលបានកាត់ក្តីគាំទ្រការអំពាវនាវពីរដ្ឋាភិបាលរបស់នាយករដ្ឋមន្ត្រី Sheikh Hasina និងបានណែនាំថា ៩៣% នៃការងារគួរតែបើកចំហសម្រាប់បេក្ខជនដែលមានគុណសម្បត្តិ។

ឧស្សាហកម្មកាត់ដេរ និងវាយនភណ្ឌដ៏សំខាន់របស់ប្រទេសបង់ក្លាដែស ដែលផ្គត់ផ្គង់ដល់ម៉ាកយីហោលោកខាងលិចសំខាន់ៗ ក៏បានចាប់ផ្តើមបើករោងចក្រមួយចំនួនឡើងវិញបន្ទាប់ពីការផ្អាកផលិតកម្មអំឡុងពេលបម្រាមគោចរ។

អ្នកស្រុកនៅទីក្រុង Dhaka បានចេញតាមដងផ្លូវ ដោយខ្លះធ្វើដំណើរទៅកាន់ការិយាល័យ ខណៈដែលរថយន្តក្រុងសាធារណៈក៏ចាប់ផ្តើមដំណើរការនៅកន្លែងខ្លះផងដែរ។

Shamima Akhter ដែលធ្វើការនៅក្រុមហ៊ុនឯកជនមួយក្នុងរដ្ឋធានីបានឲ្យដឹងថា វាជាការរំខានក្នុងការទៅដល់ការិយាល័យទាន់ពេលវេលា។ ផ្លូវមួយចំនួននៅតែត្រូវបានបិទដោយហេតុផលសុវត្ថិភាព មិនដឹងថាពេលណាអ្វីៗនឹងដំណើរការធម្មតាទេ។

គេហទំព័រព័ត៌មានក្នុងស្រុកដែលបានឈប់ធ្វើបច្ចុប្បន្នភាពតាំងពីថ្ងៃសុក្រក៏មានអ៊ីនធឺណិតវិញដែរ។

អាជ្ញាធរបង់ក្លាដែសបានបិទអ៊ីនធឺណេតចល័ត និងដាក់ពង្រាយកងទ័ពនៅតាមដងផ្លូវក្នុងអំឡុងពេលបម្រាមគោចរដែលត្រូវបានដាក់តាំងពីពាក់កណ្តាលអធ្រាត្រថ្ងៃសៅរ៍។

រដ្ឋាភិបាលបានឲ្យដឹងថា ការរឹតបន្តឹងបម្រាមគោចរនឹងត្រូវបានបន្ធូរបន្ថយរយៈពេលប្រាំពីរម៉ោងនៅថ្ងៃពុធ និងថ្ងៃព្រហស្បតិ៍ ហើយការិយាល័យក៏នឹងបើកពីម៉ោង១១ព្រឹកដល់ម៉ោង៣រសៀលផងដែរ។