ក្រុមការងារបច្ចេកទេសប្រែប្រួលអាកាសធាតុអន្តរក្រសួង បានដាក់បញ្ជូន និងបន្ស៊ីផែនការយុទ្ធសាស្ត្រជាតិ ទៅក្របខណ្ឌយុទ្ធសាស្ត្រឆ្នាំ២០៣០ សម្រាប់ពន្លឿនសកម្មភាពអាកាសធាតុ និងនិរន្ដរភាពបរិស្ថាននៅមហាអនុតំបន់ទន្លេមេគង្គ

ភ្នំពេញ៖ នាព្រឹកថ្ងៃទី១៦ ខែកក្កដា ឆ្នាំ២០២៤ នៅទីស្ដីការក្រសួងបរិស្ថាន ឯកឧត្ដម ជួប ប៉ារីស៍ រដ្ឋលេខាធិការក្រសួងបរិស្ថាន និង ជាប្រធាន ក្រុមការងារបច្ចេកទេសប្រែប្រួលអាកាសធាតុ ដោយមានការចូលរួមពី ឯកឧត្តម ស៊ុ ធី អគ្គនាយក នៃអគ្គនាយកដ្ឋានគោលនយោបាយ និង យុទ្ធសាស្ត្រ ឯកឧត្តមកែន សេរីរដ្ឋា អគ្គនាយក នៃអគ្គនាយកដ្ឋាន សហគមន៍មូលដ្ឋាន បានដឹកនាំសម្របសម្រួលសិក្ខាសាលាពិគ្រោះយោបល់ លើក្របខ័ណ្ឌយុទ្ធសាស្ដ្រឆ្នាំ២០៣០ សម្រាប់ពន្លឿនសកម្មភាពអាកាសធាតុ និងនិរន្ដរភាពបរិស្ថាននៅមហាអនុតំបន់ទន្លេមេគង្គ ដោយមានការចូលរួមពីលោក លោកស្រីអនុប្រធាន សមាជិកនៃក្រុមការងារបច្ចេកទេសប្រែប្រួលអាកាសធាតុ និងតំណាង ធនាគារអភិវឌ្ឍន៍អាស៊ី (ADB) ចំនួន ៣៦រូប។

ជាលទ្ធផល អង្គសិក្ខាសាលាបានដាក់បញ្ជូន និងបន្សីគ្នានូវផែនការសកម្មភាព អាទិភាព តាមវិស័យនីមួយៗពាក់ព័ន្ធការប្រែប្រួលអាកាសធាតុ និងនិរន្តភាពបរិស្ថានលើសេចក្ដីព្រាងក្របខ័ណ្ឌយុទ្ធសាស្ដ្រឆ្នាំ២០៣០ នៅមហាអនុតំបន់ទន្លេមេគង្គ(GMS)និងពិភាក្សាពីយន្តការនៃការកៀរគរធនធានហិរញ្ញវត្ថុសម្រាប់អនុវត្តផងដែរ៕