អភិបាលខេត្តតាកែវ ដឹកនាំមន្រ្តីជំនាញចុះពិនិត្យដំណាំស្រូវកសិករដែលសត្វដង្កូវស៊ីបំផ្លាញនៅស្រុកសំរោង និងស្រុកបាទី សរុប ៥១ហិកតា
ភ្នំពេញ៖ នៅព្រឹកថ្ងៃសុក្រ ទី២១ ខែមិថុនា ឆ្នាំ២០២៤ ឯកឧត្ដម អ៊ូច ភា អភិបាល នៃគណៈអភិបាលខេត្តតាកែវ បានដឹកនាំលោក ញ៉ិប ស្រ៊ន ប្រធានមន្ទីរកសិកម្មរុក្ខាប្រមាញ់ និងនេសាទ ខេត្ត លោក កេត ម៉ៅ អភិបាលស្រុកសំរោង លោក ភួន ឈីម អភិបាលស្រុកបាទី ព្រមទាំងមន្រ្តីជំនាញកសិកម្មស្រុក ឃុំ អាជ្ញាធរមូលដ្ឋាន បានអញ្ជេីញចុះពិនិត្យដំណាំស្រូវរបស់កសិករ ដែលសត្វដង្កូវបានស៊ីបំផ្លាញប្រមាណជាង ៤០ហិកតា នៅឃុំស្លា ឃុំរវៀង ស្រុកសំរោង នឹងឃុំក្រាំងធ្នង់ ស្រុកបាទី ១១ហិកតា។
សូមបញ្ជាក់ថា ខេត្តតាកែវ ស្រុកដែលមានសត្វដង្កូវស៊ីបំផ្លាញដំណាំស្រូវ របស់កសិករមានតែស្រុកសំរោង និង ស្រុកបាទី តែប៉ុណ្ណោះ ដែលសរុបទាំង២ស្រុកនេះ គឺចំនួន ៥១ហិកតា ៕
