ភ្នំពេញ៖ នៅព្រឹកថ្ងៃទី១ ខែឧសភា ឆ្នាំ២០២៤ សមាជិកគណបក្សប្រជាជនកម្ពុជា ឃុំបឹងណាយ បានចូលរួមក្នុងពិធីបរិច្ចាកឈាម ក្រោមប្រធានបទ ផ្តល់ឈាម គឺសង្រ្គោះជីវិត ក្រោមអធិបតីភាព លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារចុះមូលដ្ឋាន ឃុំបឹងណាយ លោកជំទាវ ប៉ាង ដានី អភិបាលរងខេត្ត លោកវេជ្ជបណ្ឌិត សុខ ប៉ូ ប្រធានមជ្ឈមមណ្ឌល ជាតិផ្តល់ឈាម ដោយមានការចូលរួមពីសមាជិក គណបក្សប្រជាជនកម្ពុជាឃុំបឹងណាយ និងបងប្អូន ប្រជាពលរដ្ឋផងដែរ។
លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម បានឱ្យដឹងថា យុទ្ធនាការថ្ងៃនេះ គឺជាប្រធានបទដ៏មានអត្ថន័យ សម្រាប់យើងទាំងអស់គ្នា និងមានគោលបំណងសំខាន់២ គឺ ទី១៖ បង្កើតទម្លាប់ និងវប្បធម៌នៃការបរិច្ចាគឈាមដោយស្ម័គ្រចិត្ត និងជម្រុញលើកកម្ពស់ឲ្យយុវជនប្រជាជន ទូទៅ ចូលរួមធ្វើ សកម្មភាពជាមួយសេវាកម្មជាតិផ្តល់ឈាម នៅទូទាំងប្រទេស ដើម្បីធានាឲ្យមាន ការផ្គត់ផ្គង់ឈាម គ្រប់គ្រាន់ សម្រាប់អ្នកជំងឺដែលកំពុងត្រូវការឈាមនៅគ្រប់មន្ទីរពេទ្យទាំងអស់ ដោយគ្មានការរើសអើង មិនប្រកាន់ជាតិសាសន៍ ឫសាសនា ទី២ គឺផ្សារភ្ជាប់សកម្មភាពនៃការ បរិច្ចាកឈាមដោយស័្មគ្រចិត្ត ទៅនឹង សកម្មភាពមនុស្សធម៌ដ៏ល្អប្រពៃក្នុងសង្គម ។
លោកជំទាវ ប៉ាង ដានី អភិបាលរងខេត្ត លោកជំទាវ តោ ពិឡា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារចុះមូលដ្ឋាន ឃុំបឹងណាយ បានមានប្រសាន៍ ថ្លែងអំណរគុណដល់សមាជិក គណបក្សប្រជាជនកម្ពុជាឃុំបឹងណាយ ដែលបានឆ្លៀតឱកាសដ៏មមាញឹក ចូលរួមក្នុងពិធីបរិច្ចាកឈាម នាថ្ងៃនេះ គឺដើម្បីលើកកម្ពស់ការបរិច្ចាក ឈាមដោយស្ម័គ្រចិត្ត និងមិនទទួលកម្រៃ រួមចំណែក ជួយសង្រ្គោះជីវិតជនរងគ្រោះដោយក្តីសប្បុរស និងសូមចងចាំថាកិច្ច បរិច្ចាកឈាមមិនប៉ះពាល់ ដល់សុខភាពទេ ហើយឈាមមានប្រភពតែមួយគត់ គឺពីមនុស្ស មិនមានរោងចក្រណា ឱសថណាអាចផលិតបានទេលោកជំទាវបានបន្តទៀតថា ការចូលរួម ជួយគ្នាក្នុងសង្គម គឺជាកតព្វកិច្ចរបស់ពលរដ្ឋល្អ ដែលចង់ឃើញសង្គមជាតិមួយមាន សុជីវធម៌ល្អ គុណធម៌ល្អ និងវប្បធម៌ល្អ នេះគឺជាការឆ្លើយតបយ៉ាងត្រឹមត្រូវទៅនឹងទិសស្លោក យុវជនយុវនាដើម្បីបុព្វ ហេត្តជាតិ និងមាតុភូមិ ខ្មែរជួខ្មែរ ខ្មែរធ្វើបាន ដែលជាភាសាបេះដូងមួយសម្រាប់យុវជនកម្ពុជា៕
