ឯកឧត្តម សួស ប្រាថ្នា អញ្ជើញចូលរួមកិច្ចប្រជុំក្រុមការងារអន្តរក្រសួងដើម្បីសិក្សា រៀបចំបង្កើត និងដំឡើងកម្រិតច្រកទ្វារព្រំដែនគោក កម្ពុជា-វៀតណាម
ភ្នំពេញ៖ នៅទីស្ដីការក្រសួងមហាផ្ទៃនាព្រឹកថ្ងៃទី៨ ខែមេសា ឆ្នាំ២០២៤ ឯកឧត្តម សួស ប្រាថ្នា អគ្គនាយកនៃអគ្គនាយកដ្ឋានរដ្ឋបាលនិងជាសមាជិកក្រុមការងារអន្តរក្រសួង បានអញ្ជើញចូលរួម កិច្ចប្រជុំក្រុមការងារអន្តរក្រសួងដើម្បីសិក្សា រៀបចំបង្កើត និងដំឡើងកម្រិតច្រកទ្វារព្រំដែនគោក កម្ពុជា-វៀតណាម ក្រោមអធិបតីភាព ឯកឧត្តម សន្តិបណ្ឌិត គៀត ច័ន្ធថារិទ្ធ រដ្ឋលេខាធិការក្រសួងមហាផ្ទៃ និងជាប្រធានក្រុមការងារអន្តរក្រសួងដើម្បីសិក្សា រៀបចំបង្កើត និងដំឡើងកម្រិតច្រកទ្វារព្រំដែនគោកកម្ពុជា-វៀតណាម។
ក្នុងកិច្ចប្រជុំនេះដែរ ក៏មានការអញ្ជើញចូលរួមពីសមាជិកនៃក្រុមការងារអន្តរក្រសួងដើម្បីសិក្សា រៀបចំបង្កើត និងដំឡើងកម្រិតច្រកទ្វារព្រំដែនគោក កម្ពុជា-វៀតណាម ដែលជាតំណាងក្រសួងពាណិជ្ជកម្ម ក្រសួងសេដ្ឋកិច្ចនិងហិរញ្ញវត្ថុ ក្រសួងការបរទេសនិងសហប្រតិបត្តិការអន្តរជាតិ ក្រសួងទេសចរណ៍ ក្រសួងសាធារណការនិងដឹកជញ្ជូន រដ្ឋលេខាធិការដ្ឋានកិច្ចការព្រំដែន និងខេត្តជាប់ព្រំដែនគោកជាមួយប្រទេសវៀតណាម ព្រមទាំងមន្រ្តីពាក់ព័ន្ធជាច្រើនរូប។
សូមជម្រាបជូនដែរថា ក្រុមការងារអន្តរក្រសួង ដើម្បីសិក្សា រៀបវចំបង្កើត និងដំឡើងកម្រិតច្រកទ្វារព្រំដែនគោកកម្ពុជា – វៀតណាម ត្រូវបានបង្កើតឡើងដោយសេចក្តីសម្រេចលេខ ៣២ សសរ ចុះថ្ងៃទី០៦ ខែកុម្ភៈ ឆ្នាំ២០២៤ របស់រាជរដ្ឋាភិបាល។ ការបង្កើតឱ្យមានក្រុមការងារអន្តរក្រសួងនេះដែរគឺ ដើម្បីសហការជាមួយក្រុមការងារចម្រុះស្តីពីច្រកទ្វារព្រំដែនគោកវៀតណាម កម្ពុជា ក្នុងការចុះសិក្សាស្ថានភាពច្រកទ្វារព្រំដែន និងរួមគ្នាសិក្សារៀបចំផែកការមេស្តីពីការបង្កើត និងតម្លើងកម្រិតច្រកទ្វារព្រំដែនគោកកម្ពុជា វៀតណាម៕
