បណ្ឌិតសភានគរបាលកម្ពុជា ឧបត្ថម្ភថវិកាវិភាគទាន ៥,២៩៥,០០០រៀល ជូនសាខាកាកបាទក្រហមកម្ពុជា ខេត្តព្រៃវែង

ភ្នំពេញ៖ ឯកឧត្តម សួន សុម៉ាលីន ប្រធានគណៈកម្មាធិការសាខា នៅថ្ងៃទី៤ ខែមករា ឆ្នាំ២០២៤ បានចាត់អោយលោកស្រីបណ្ឌិត អ៊ុក មាសសូលីណា នាយិកាសាខាខេត្ត អញ្ជើញទទួលថវិកាវិភាគទានពីលោកវរសេនីយ៍ទោ មឿន រិទ្ធី នាយការិយាល័យបុគ្គលិក តំណាងដ៏ខ្ពង់ខ្ពស់ ឯកឧត្តម ប្រធានបណ្ឌិតសភានគរបាលកម្ពុជា និងក្រុមការងារ បាននាំយកថវិកាវិភាគទាន ចំនួន ៥,២៩៥,០០០រៀល ជូនសាខាកាកបាទក្រហមកម្ពុជា ខេត្តព្រៃវែង ដើម្បីអបអរទិវា ៨ ឧសភា ឆ្នាំ២០២៣។

នាឱកាសនោះ លោកស្រីបណ្ឌិតនាយិកាសាខា បាននាំមកនូវប្រសាសន៍ថ្លែងអំណរគុណយ៉ាងជ្រាលជ្រៅបំផុត ពីសំណាក់ ឯកឧត្តមអភិសន្តិបណ្ឌិត ស សុខា និងឯកឧត្តម សួន សុម៉ាលីន ប្រធានគណៈកម្មាធិការសាខាខេត្ត ជូនចំពោះ ឯកឧត្តម ប្រធានបណ្ឌិតសភានគរបាលកម្ពុជា និងក្រុមការងារ ដែលបានចូលរួមឧបត្ថម្ភថវិកាវិភាគទានដល់សាខា ដើម្បីចូលរួមអបអរសាទរខួបទី១៦០ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៣ ក្រោមប្រធានបទ “រួមគ្នាជាមួយកាកបាទក្រហមកម្ពុជា ដើម្បីបរិយាបន្នសង្គម” សាខាកាកបាទក្រហមកម្ពុជា ខេត្តព្រៃវែង និងយកចិត្តទុកដាក់ប្រើប្រាស់វិភាគទានដ៍សប្បុរសនេះ ដើម្បីបម្រើសកម្មភាពមនុស្សធម៌ជួយដល់ប្រជាពលរដ្ឋជួបការលំបាកដោយគ្រោះធម្មជាតិ និងគ្រោះមហន្តរាយផ្សេងៗ។

សាខាកាកបាទក្រហមកម្ពុជា ខេត្តព្រៃវែង នៅតែបន្តកៀរគរមូលនិធិ និងស្វាគមន៍ចំពោះការចូលរួមវិភាគទាន ថវិកា សម្ភារៈពីសំណាក់ សម្តេច ឯកឧត្តម លោកឧកញ៉ា អ្នកឧកញ៉ា លោក លោកស្រី អ្នកនាងកញ្ញា ជាសប្បុរសជនទាំងក្នុង និងក្រៅ ខេត្តជាបន្តបន្ទាប់ទៀត។ សប្បុរសជនមានបំណងបរិច្ចាគមកសាខាកាកបាទក្រហមកម្ពុជា ខេត្តព្រៃវែង
សូមទំនាក់ទំនង៖
១៖ ឯកឧត្តម ឧកញ៉ា សុខ ផេង 012 955 336
២៖ លោកស្រី បណ្ឌិត អ៊ុក មាសសូលីណា 012 772 219 ៕