សម្តេចធិបតី ប្តេជ្ញាបន្តស្មារតីពីសម្ដេចតេជោ ក្នុងការអភិវឌ្ឍតំបន់រុនតាឯក និងពាក់ស្នែង ឲ្យកាន់តែល្អប្រសើរជូនពលរដ្ឋ
សៀមរាប៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបង្ហាញការប្តេជ្ញាចិត្តបន្តស្មារតីពីសម្ដេចតេជោ ហ៊ុន សែន ក្នុងការអភិវឌ្ឍតំបន់អភិវឌ្ឍន៍រុនតាឯក និងតំបន់ពាក់ស្នែងឱ្យកាន់តែល្អប្រសើរសម្រាប់ការរស់នៅរបស់ប្រជាពលរដ្ឋ។
ក្នុងពិធីសំណេះសំណាលជាមួយប្រជាពលរដ្ឋរស់នៅភូមិធម្មជាតិរុនតាឯក និងតំបន់ពាក់ស្នែង សរុបជិត៣ពាន់នាក់ នាថ្ងៃទី៨ ខែធ្នូ ឆ្នាំ២០២៣ សម្ដេចធិបតីបញ្ជាក់ថា «រវាងសម្បត្តិបេតិកភណ្ឌ និងប្រជាពលរដ្ឋ គឺរាជរដ្ឋាភិបាលជ្រើសរើសទាំងពីរ, ការជ្រើសរើសគឺមិនលំបាកទេ តែអ្វីដែលលំបាកគឺយើងត្រូវសម្រេចយ៉ាងណា ដូច្នេះហើយទើបរាជរដ្ឋាភិបាលបានរៀបចំតំបន់អភិវឌ្ឍន៍រុនតាឯកនេះ ដើម្បីកសាងទីតាំងថ្មីជូនប្រជាពលរដ្ឋដែលស្ម័គ្រផ្លាស់ទីពីតំបន់អង្គរ»។
សម្ដេចធិបតី ហ៊ុន ម៉ាណែត បានបន្តថា សម្ដេចតេជោ ហ៊ុន សែន កាលនៅជានាយករដ្ឋមន្ត្រី បានចុះមកទីនេះ៤ដងក្នុងរយៈពេលមិនដល់១ឆ្នាំផង ហើយថ្ងៃនេះ សម្ដេចធិបតីដែលជានាយករដ្ឋមន្ត្រីបន្តវេន ក៏បានមកកាន់ទីនេះទៀត គឺដើម្បីបញ្ជាក់ការប្ដេជ្ញាចិត្តជំរុញការកសាងទីកន្លែងនេះជូនប្រជាពលរដ្ឋឱ្យកាន់តែល្អប្រសើរ ៕
