ភ្នំពេញ៖ នាថ្ងៃទី១៧ ខែវិច្ឆិកា ឆ្នាំ២០២៣ ប៉ុស្តិ៍នគរបាលរដ្ឋបាលគុសបានទទួលពាក្យបណ្ដឹងមួយច្បាប់ពីឈ្មោះជួប តុលភេទស្រីអាយុ ៤៩ឆ្នាំនៅភូមិព្រៃតាខាបឃុំគុសស្រុកត្រាំកក់ខេត្តតាកែវដោយខ្លឹមសារបណ្ដឹងបានប្ដឹងពីឈ្មោះជូ សាមឿនភេទប្រុសអាយុ ៦៨ឆ្នាំនៅភូមិត្រពាំងតាសុខឃុំគុសស្រុកត្រាំ កក់ខេត្តតាកែវពីបទចាប់រំលោភសេពសន្ថវៈនិងច្របាច់សុដន់កូនស្រីរបស់គាត់ឈ្មោះផ អ អាយុ ១៣ឆ្នាំ(ជាមនុស្សវិកលចរិត គ ថ្លង់)នៅក្នុងចង្ក្រានបាយក្នុងផ្ទះរបស់គាត់កាលពីថ្ងៃទី ១២ខែវិច្ឆិកាឆ្នាំ ២០២៣វេលាម៉ោង ៩និង ៣០ នាទីព្រឹកហើយត្រូវរូបគាត់មកទាន់ទើបឈ្មោះ ជូ សាមឿន បានអង្វរទៅឈ្មោះជួប តុល ដែលជាម្ដាយកុមារីរងគ្រោះថាកុំមាត់ចាំខ្លួនឱ្យគោ ១ក្បាលនិងម៉ូតូ ១គ្រឿងដោយសន្យាកំណត់ ៣ថ្ងៃក្រោយ តែមកដល់ថ្ងៃកំណត់ឈ្មោះ ជូ សាមឿន
បានប្រែក្រឡះសំដីហើយឲ្យលុយទៅម្ដាយកុមារីរងគ្រោះចំនួន ១០ម៉ឺនរៀល តែឈ្មោះ ជួប តុលជាម្ដាយកុមារីជនរងគ្រោះមិនទទួលយក ទើបដាក់ពាក្យបណ្ដឹងមកសមត្ថកិច្ចយើង។
ក្រោយពេលទទួលបានពាក្យបណ្ដឹងពីម្ដាយកុមារីរងគ្រោះនិងមានបទបញ្ជាពីលោកឧត្តមសេនីយ៍ទោស្នងការព្រមទាំងដឹកនាំសម្របសម្រួលនីតិវិធីដោយឯកឧត្តមឯក ឆេងហួតព្រះរាជអាជ្ញាអមសាលាដំបូងខេត្តតាកែវនៅថ្ងៃទី ១៧ខែវិច្ឆិកាឆ្នាំ ២០២៣វេលាម៉ោង ១៦និង៣០ នាទីសមត្ថកិច្ចយើងបានធ្វើការឃាត់ខ្លួនជនសង្ស័យឈ្មោះ ជូ សាមឿន យកមកធ្វើការសាកសួរកសាងសំណុំរឿងទៅតាមនីតិវិធី។
