ភ្នំពេញ៖ អគ្គីភ័យឆាបឆេះសណ្ឋាគារមួយកន្លែងនៅវេលាម៉ោង៥ និង ២០នាទី ល្ងាចថ្ងៃទី០៣ ខែសីហា ឆ្នាំ២០២៣ ស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត បណ្តាលឲ្យមនុស្សប្រុស ស្រីចំនួន៣នាក់រងរបួសធ្ងន់ស្រាលនេះបើតាមារឲ្យដឹងពីសមត្ថិច្ចនគរបាលក្រុងប៉ោយប៉ែត ។
សមត្ថកិច្ចបានឲ្យដឹងថា៖អគី្គភ័យ បានឆាបឆេះ សណ្ឋាគារ អន្តរជាតិ នៅជាន់ទី០៩ បន្ទប់លេខ៩០១ ដែលស្ថិតក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។ក្នុងហហេតុការណ៍នោះដោយមានបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ កម្លាំងនៃអធិការដ្ឋាននគរបាលក្រុងប៉ោយប៉ែត ដឹកនាំ បញ្ជាផ្ទាល់ដោយ លោក វរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានសហការជាមួយកម្លាំងចម្រុះនិងអាជ្ញធរបានរិៈរកគ្រប់មធ្យបាយចុះជួយធ្វើអន្តរាគមន៍ភ្លាម ដើម្បីពន្លត់ ជាលទ្ធផល នៅវេលាម៉ោង ៦ និង០៨នាទីល្ងាច ថ្ងៃដដែលអគ្គីភ័យបានរលត់ទាំងស្រុងដោយមិនមានរាលដាល់ដល់ផ្ទះអ្នកជិតខាងឡើយ ។
នគរបាលបានបញ្ជាក់ថា៖ករណីឆាបឆេះនេះគឺបណ្ដាលមកពីដាក់សាកថ្មទូរស័ព្ទទុកចោលនៅលើពូក ហើយទុស្សេខ្សែភ្លើងបង្កឲ្យឆាបឆេះពូក ។ចំពោះការខូចខាតទ្រព្យសម្បត្តិមានពូកចំនួន០២ គ្រែ០២ ទូរដាក់ខោអាវចំនួន០២ និងសម្ភារៈផ្សេងមួយចំនួនទៀត។ក្នុងហេតុការណ៍នេះគឺប្រើប្រាស់បំពង់ពន្លត់អគ្គីភ័យអស់ចំនួន១៤បំពង់ ។ ករណីនេះបង្កឲ្យមានមនុស្សរងរបួសធ្ងន់ ស្រាល ចំនួន០៣នាក់ ស្រី០២នាក់ ជាជនជាតិឥណ្ឌូណេស៊ី ក្នុងនោះរបួសធ្ងន់០១នាក់ ភេទប្រុស សំរាកព្យាបាលនៅគ្លីនិច សុខវិសាលមុខវត្តបាលិលេយ្យ មិនបណ្តាលអោយគ្រោះថ្នាក់ដល់ជីវិតមនុស្សទេ។របួសស្រាលចំនួន០២នាក់ ភេទស្រី សំរាកព្យាបាលនៅមន្ទីពេទ្យបង្អែកក្រុងប៉ោយប៉ែត ៕
