ឧត្តមសេនីយ៍ទោ ឡោ សុខា ដឹកនាំកិច្ចប្រជុំត្រួតពិនិត្យការងារប្រចាំខែឧសភា និងលើកទិសដៅអនុវត្តការងារខែបន្ទាប់ និងផ្សព្វផ្សាយផែនការពង្រឹងវិធានការរក្សាសន្តិសុខ សណ្តាប់ធ្នាប់សង្គម របស់ស្នងការខេត្តមណ្ឌលគិរី
ភ្នំពេញ៖ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី នាព្រឹកថ្ងៃច័ន្ទ ៣កើត ខែជេស្ឋ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២២ ខែឧសភា ឆ្នាំ២០២៣ បានអញ្ជើញដឹកនាំកិច្ចប្រជុំត្រួតពិនិត្យការងារប្រចាំខែឧសភា និងលើកទិសដៅអនុវត្តការងារខែបន្ទាប់ នៅសាលប្រជុំស្នងការដ្ឋាននគរបាលខេត្ត។
កិច្ចប្រជុំនេះក៏មានការអញ្ជើញចូលរួមពីលោក លោកស្រីស្នងការរង លោកនាយ នាយរងការិយាល័យជំនាញទាំងអស់ លោក មេបញ្ជាការ មេបញ្ជាការរង ទទួលសេនាធិការវរសេនាតូចនគរបាលការពារព្រំដែនគោកទាំង០២ ៣០៣/៦២១ លោក អធិការ អធិការរងទទួលសេនាធិការនគរបាល ក្រុង/ស្រុក ទាំង៥ លោក នាយប៉ុស្តិ៍នគរបាលច្រកទ្វារទ្វេភាគីទាំង៣, លោក នាយប៉ុស្តិ៍នគរបាលរដ្ឋបាល ឃុំ/សង្កាត់ ទាំង២១ ដែលបានចូលរួមសរុបចំនួន ១៤២រូប។
ជាកិច្ចចាប់ផ្តើម លោកឧត្តមសេនីយ៍ទោ ឡោ សុខា ស្នងការ បានមានប្រសាសន៍បើក កិច្ចប្រជុំនិងបានអនុញ្ញាតឲ្យ លោកវរសេនីយ៍ត្រី វ៉ែន ឡាយ នាយរងការិយាល័យសរុបនិងវិភាគឡើងអានរបាយការណ៍ស្តី ពីកិច្ចប្រជុំត្រួតពិនិត្យការងារកិច្ចសហប្រតិបត្តិកាប្រចាំខែឧសភា និងលើកទិសដៅអនុវត្តការងារខែបន្ទាប់។
ក្នុងឱកាសនោះដែរ លោកឧត្តមសេនីយ៍ទោ ស្នងការ បានមានប្រសាសន៍ ណែនាំដល់ការិយាល័យជំនាញត្រូវយកចិត្តទុកដាក់ទៅលើការងារដែលបានអនុវត្តបានប្រចាំថ្ងៃ របស់ខ្លួនទៅតាមបណ្តាការិយាល័យ ជំនាញរបស់ខ្លួន ត្រូវខិតខំបំពេញកាតព្វកិច្ចដើម្បី ឈានទៅដល់ការីកចម្រើនដល់អង្គភាពការអភិវឌ្ឍន៍ខ្លួនឲ្យមានប្រសិទ្ឋភាពខ្ពស់។ មិនតែប៉ុណ្ណោះ លោកឧត្តមសេនីយ៍ទោស្នងការ ក៏បានអនុញ្ញាតឲ្យ លោកឧត្តមសេនីយ៍ត្រី សៅ សាវ៉ាត ស្នងការរងទទួលការងារផែនសេនាធិការ ឡើងបកស្រាយអំពីចម្ងល់ផ្សេងៗទៅតាមការិយាល័យនីមួយៗពាក់ព័ន្ននិងការត្រៀមកម្លាំងនិងបញ្ជីឈ្មោះ មន្រ្តីនគរបាលចូលរៀនវគ្គបណ្តុះបណ្តាលភ្នាក់ងារការពារនៅតាមបណ្តាការិយាល័យបោះឆ្នោតជ្រើសតាំងតំណាងរាស្រ្ត ដែលនិងខិតជិតមកដល់នៅពេលខាងមុខនេះ។
លោកឧត្តមសេនីយ៍ទោ ស្នងការ ក៏បានបន្តអនុញាតឲ្យលោកឧត្តមសេនីយ៍ត្រី អ៊ន ប៊ុន្នីរិទ្ធ ស្នងការរងទទួលការងារផែនសន្តិសុខនិងសណ្ដាប់ធ្នាប់ លើកឡើងអំពីបញ្ហាប្រឈមនានាក្នុងការបង្កើត ក្រុមការងារផ្សព្វផ្សាយផែនការ ពង្រឹងវិធានការរក្សាសន្តិសុខ សណ្ដាប់ធ្នាប់សង្គមក្នុងមូលដ្ឋាន ផែនការងារសន្តិសុខ របស់ស្នងការដ្ឋាននគរបាលខេត្ត។
ជាកិច្ចបញ្ចប់នៃកិច្ចប្រជុំលោកឧត្តមសេនីយ៍ទោ ឡោ សុខា ស្នងការនគរបាលខេត្ត ក៏បានមានប្រសាសន៍ បិទអង្គប្រជុំនិងបានជូនពរដល់ កងកម្លាំងនគរបាលទាំងអស់ឲ្យទទួលបាន តែភាពជោគជ័យគ្រប់ភារកិច្ច គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
