ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្ញើសារអបអរសាទរ លោក លី ឈាង ដែលត្រូវបានតែងតាំងជា នាយករដ្ឋមន្តីនៃសាធារណរដ្ឋប្រជាមានិតចិន។
សម្តេចបានសម្តែងសេចក្តីសោមនស្សរីករាយ ដែលបានទទួលព័ត៌មានថា លោក លី ឈាង ត្រូវបានតែងតាំងជានាយករដ្ឋមន្ត្រី នៃសាធារណរដ្ឋប្រជាមានិតចិន។ ក្នុងនាមរាជរដ្ឋាភិបាល និងប្រជាជនកម្ពុជា សម្តេចសូមចូលរួមសម្ដែងនូវ អំណរសាទរយ៉ាងកក់ក្តៅបំផុតជូន លោក លី ឈាង ក្នុងឱកាសដ៏នក្ខត្តឫក្សនេះ និងសូមជូនពរបវរមហាប្រសើរ ឱ្យទទួលបានជោគជ័យធំធេងថែមទៀតជូនចំពោះ ឯកឧត្តម រដ្ឋាភិបាល និងប្រជាជនចិន។
