កម្លាំងចម្រុះចុះបង្ក្រាបឧបករណ៍នេសាទខុសច្បាប់ នៅភូមិសាស្ត្រឃុំឆ្នុកទ្រូ

កំពង់ឆ្នាំង៖ នៅថ្ងៃទី២៦ ខែកុម្ភៈ ឆ្នាំ២០២៣ ចាប់ពីម៉ោង៩ព្រឹកដល់ម៉ោង១២ថ្ងៃត្រង់ កម្លាំងនគរបាលអធិការដ្ឋាននគរបាលស្រុកបរិបូណ៌ និងកម្លាំងប៉ុស្ដិ៍រដ្ឋបាលឆ្នុកទ្រូ នៃស្នងការដ្ឋាននគរបាលខេត្តកំពង់ឆ្នាំង បានសហការជាមួយ -កម្លាំងសង្កាត់ជលផល -កម្លាំងប៉ុស្តិ៍ឆ្នុកទ្រូ – កម្លាំងអាវុធហត្ថB ០៤ -ប្រជាការពារ សរុប៧នាក់ ដឹកនាំដោយ លោក សាំង គឹមស៊ន មេឃុំឆ្នុកទ្រូ ចុះបង្ក្រាបបទល្មើសនេសាទ ឋិតនៅចំណុចជ្រោយស្លែង ស្ថិតនៅភូមិឆ្នុកទ្រូ ឃុំឆ្នុកទ្រូ ស្រុកបរិបូរណ៍។

ជាលទ្ធផលបង្ក្រាបបាន សាច់អួនប្រវែង ៧៥០ ម៉ែត្របង្គោល៣០០ដើម លបសាច់អួនចំនួន ១១លប លែងត្រី ៥០គីឡូក្រាម សម្ភារៈរក្សាទុកនៅសង្កាត់ជលផលឆ្នុកទ្រូ៕