ឧត្តមសេនីយ៍ឯក ហ៊ុន ម៉ាណែត ឧបត្ថម្ភសម្ភារៈប្រើប្រាស់ជូន តំបន់ប្រតិបត្តិការសឹករងឧត្តរមានជ័យ

ភ្នំពេញ៖ នៅថ្ងៃទី២៥ ខែកុម្ភៈ ឆ្នាំ២០២៣ ផ្នែកវិស្វកម្ម របស់តំបន់ប្រតិបត្តិការសឹករងឧត្តរមានជ័យ បានបែងចែកប្រគល់នូវសម្ភារៈ ស៊ីទែនទឹក ប៊ឺដុងទឹក ដែលជាអំណោយដ៏ថ្លៃថ្លា របស់ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃ កងយោធពលខេមរភូមិន្ទ មេបញ្ជាការកងទ័ពជើងគោក ជូនដល់តាមបណ្តាកងឯកភាពចំណុះសម្រាប់ដាក់ទឹកនៅតាមបណ្តាចំណុចខ្ពស់។

លោកឧត្តមសេនីយ៍ទោ តន់ ញាន មេបញ្ជាការ ព្រមទាំងនាយទាហាន នាយទាហានរង និងពលទាហាន សូមគោរពថ្លែងអំណរគុណយ៉ាងជ្រាលជ្រៅបំផុតចំពោះ ឯកឧត្តម អគ្គមេបញ្ជាការរង មេបញ្ជាការកងទ័ពជើងគោកនិង លោកជំទាវ ដែលជានិច្ចកាលតែងតែគិតគូរពីសុខទុក្ខរបស់ យោធិនគ្រប់ៗរូប និងសូមគោរពជូនពរឯកឧត្តមនិង លោកជំទាវព្រមទាំងបុត្រាបុត្រីជាទីស្រឡាញ់ មានសុខភាព ល្អ អាយុយឺនយូរ កម្លាំងមាំមួន ប្រាជ្ញាវៀងវៃ និងសម្រេចបាន ជោគជ័យគ្រប់ភារកិច្ច ជួបពុទ្ធពរ ទាំង៤ប្រកា គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។